QMİ sədri ABŞ-ın yeni səfirilə görüşürb

Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə çərşənbə günü ABŞ-ın Azərbaycandakı səfiri Robert Sekuta və Corctaun Universitetinin imamı Yəhya Hendi ilə görüşüb. Bu xəbər Turan-a QMİ-dəki mənbələrdən məlum olub. 

ABŞ-ın dünyanın iri dövlətlərindən biri olduğunu deyən QMİ sədri bu ölkə ilə Azərbaycanın münasibətlərinin bölgədə yaşayan müsəlmanlar üçün əhəmiyyətli oldğunu xüsusi vurğulayıb. A.Paşazadə yeni səfiri əvəlldən tanıdığını, onun fəaliyyəti dövründə Azərbaycanın problemlərinin həllini tapacağaına ümidli olduğunu qeyd edib. Daha sonra A.Paşazadə Ermənistanın Azərbaycana təcavüzü, Dağlıq Qarabağ münaqişəsi haqda danışaraq, dünya birliyi və o cümlədən ABŞ-ı bu məsələyə biganəlikdə ittiham edib. QMİ sədri Xocalı faciəsi barədə danışaraq, Qarabağın Azərbaycanın yaralı yeri olduğunu deyib və bu yaranın sağalmasında ABŞ-ın mühüm rol oynayacağına ümid etdiyini xüsusi vurğulayıb.

R.Sekuta isə Şeyxülislama böyük hörməti olduğunu deyərək, Azərbaycanın üzləşdiyi problemlərin onu da ağrıtdığını nəzərə çatdırıb. A.Paşazadə səfirə bu problemlərin həlli yollarını birgə tapmaq və səmavi kitabarın öyrətdiyi prinsipləri əsas tutaraq, dünyanı sülhə dəvət etmək çağırışı edib. -05D-