Azərbaycanın ixrac edilən malların 30 yarımqrupu üzrə nisbi üstünlüyü var. Amma onlar hazır mal deyil. Bu barədə Turan-a «İqtisadi Təşəbbüslərə Yardım» İB-nin sədr müavini Rövşən Ağayev bildirib.
Onun araşdırmaları göstərib ki, Azərbaycan heç bir yüksək texnoloji və innovativ malın ixracatçısı deyil. Ekspert hesab edir ki, bu, ölkə iqtisadiyyatını rəqabət qabiliyyəti və şaxələnmə kontekstində qiymətləndirməyə imkan verir.
Beynəlxalq ticarətdə istifadə olunan 4 rəqəmli əmtəə kodlarına uyğun olaraq hazırda dünyada mal yarımqrupu üzrə istehsal edilən məhsulların ümumi sayı 1268-dir. Hazırda beynəlxalq ticarətdə Çin 560, Rusiya təxminən 150 mal yarımqrupu üzrə müqayisəli üstünlüyə malikdir. Müqayisəli üstünlüyü müəyyənləşdirməyin ən sadəsi budur: əgər ölkənin ixtiyari əmtəə yarım qrupu üzrə ixracı onun idxalını üstələyirsə, deməli, onun həmin əmtəə üzrə müqayisəli üstünlüyü var.
Dövlət Gömrük Komitəsinin məlumatına görə, bu il ixracın 92%-i enerji ehtiyatlarının payına düşür. Prezident İlham Əliyev dəfələrlə deyib ki, ölkə iqtisadiyyatı rəqabət qabiliyyətinə görə dünyada liderlərdəndir. Onun sözlərinə görə, iqtisadiyyatın, o cümlədən sənayenin şaxələnməsi tam sürətlə gedir. --08B—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz