Bakı/18.12.17/Turan: Azərbaycan maliyyə qabiliyyətli etibarlı tərəfdaşdır, üzərinə götürdüyü öhdəlikləri daim yerinə yetirir. Bunu prezident İlham Əliyev Dünya Bankı Qrupuna daxil olan Çoxtərəfli İnvestisiya Zəmanəti Agentliyinin icraçı vitse-prezidenti və baş icraçı direktoru Keiko Honda ilə görüşündə bildirib.
Prezident ölkədə iqtisadi islahatlara ardıcıl dəstəyinə görə Dünya Bankına təşəkkürünü bildirib.
İ.Əliyev qeyd edib ki, agentlik ölkədə xarici investorların həyata keçirdiyi bir sıra mühüm investisiya layihələri, eləcə də qlobal əhəmiyyətli "Cənub" qaz dəhlizi layihəsini dəstəkləyib.
Dövlət başçısı deyib ki, "Cənub" qaz dəhlizi layihəsi nəinki Azərbaycan, o cümlədən Avropa da daxil olmaqla, geniş bir coğrafiyanı əhatə edən region üçün mühüm əhəmiyyət daşıyır. O, bildirib ki, TANAP layihəsi ilə bağlı işlər qrafikə uyğun vaxtında tamamlanacaq.
Öz növbəsində K.Honda bildirib ki, Azərbaycanda aparılan iqtisadi islahatları yaxından izləyirlər və görülən işləri yüksək qiymətləndirirlər. Onun sözlərinə görə, Azərbaycan iqtisadi çətinlikləri arxada qoyub. -71D-
İqtisadiyyat
-
Azərbaycan Milli Məclisi (Parlament) bazar ertəsi 2025-ci il üçün dövlət büdcəsi layihəsini müzakirə etməyə başlayıb. Layihədə xərclər 41,368 milyard manat səviyyəsində proqnozlaşdırılır.
-
Azərbaycanın heyvandarlıq sektoru yerli istehsalda cüzi artım nümayiş etdirib, lakin ətin və süd məhsullarının idxalının kəskin artması ilə bağlı ciddi problemlərlə üzləşir. Dövlət Statistika Komitəsinin son məlumatları bu paradoksu əks etdirərək, yerli istehsalın artdığını, lakin idxalın daha sürətlə böyüdüyünü və davamlı qiymət artımları ilə müşayiət olunduğunu göstərir.
-
Azərbaycanın kənd təsərrüfatı sektoru kritik bir dönəmdən keçir, çünki taxıl istehsalında mülayim artım məhsuldarlığın narahatedici azalmasını kompensasiya edə bilmir. Dövlət Statistika Komitəsinin məlumatlarına görə, 2024-cü il noyabrın 1-nə qədər ümumi taxıl və paxlalı bitkilərin istehsalı illik hesablamada 0,7% artaraq 3,2 milyon tona çatıb. Bununla belə, bu artım məhsuldarlığın 6,2%-lik kəskin azalması fonunda kölgədə qalır və sektorda struktur problemlərini önə çıxarır.
-
Azərbaycan ilk dəmir yolu yük daşımalarını Bakından Çinə göndərərək Orta Dəhliz boyunca mühüm bir nəqliyyat mərkəzi olmaq hədəfində əhəmiyyətli bir mərhələyə çatdı. "Azərbaycan Dəmir Yolları" QSC (ADY) bazar günü "Bakı-Sian" marşrutu üzrə ilk ixrac blok qatarının 62 ədəd 40 futluq konteynerdən ibarət olduğunu və yola düşdüyünü təsdiqlədi.
Rəy yaz