Açiq mənbələrdən foto.
Bakı/30.06.21/Turan: Tarif (Qiymət) Şurasının bugünkü qərarı ilə Azərbaycanda kriptovalyuta istehsalçıları üçün elektrik enerjisinin tarifinə yenidən baxılıb.
Konkret olaraq 2017-ci ildən Sumqayıt Kimya Sənaye Parkının rezidenti olan STDC məhdud məsuliyyətli cəmiyyət üçün.
İyulun 1-dən qüvvəyə minəcək qərara əsasən gecə vaxtı (saat 22:00-dan 08:00-dək) 1 kv-saat elektrik enerjisinin istehlakına görə tarif 5,8 qəpikdən 7,5 qəpiyə, gündüz vaxtı isə 2,8 qəpikdən 3,5 qəpiyə artırılıb.
Digər iri istehlakçılar üçün (orta hesabla, ayda 5 milyon kv/saatdan az olmayaraq) tarif dəyişməyib.
Tarif Şurası öz qərarını heç cür əsaslandırmır
STDC məhdud məsuliyyətli cəmiyyət 2016-cı ildə təsis edilib. Şirkət öz fəaliyyəti, o cümlədən elektrik enerjisi istehlakının həcmi barədə məlumat vermir.-08B-
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz