Açiq mənbələrdən foto.
Bakı/06.12.21/Turan: Türk lirəsi ABŞ dollarına nisbətdə 13,7-ə düşüb və Mərkəzi Bankın pul siyasətinin istiqaməti ilə bağlı artan narahatlıqlar fonunda ötən cümə günü 13,9-a çataraq rekord minimuma yaxınlaşıb...
Treydinqekonomiks.kom-a görə, direktiv orqanlar bu ay yenidən faiz dərəcələrini azaldırlar, çünki prezident Tayyib Ərdoğan artan inflyasiyaya baxmayaraq böyüməyi dəstəkləmək üçün borclanma xərclərini azaltmağa çağırıb.
Keçən həftə verilən məlumatlar göstərir ki, Türkiyənin istehlak qiymətləri inflyasiyasının noyabr ayında gözləniləndən daha çox artaraq 21,31%-ə yüksəlib. Bu da mərkəzi bankın 5%-lik orta hədəfini xeyli üstələyib, istehsalçı qiymətləri isə son 19 ilin ən çox artıb.
Ərdoğanın aqressiv faiz endirimləri və tükənmiş mərkəzi bank ehtiyatları ilə bağlı narahatlıqlar səbəbindən lirə bu il dollara nisbətdə təxminən 46% dəyər itirib. Bu, Fitç reytinq agentliyini Türkiyənin proqnozunu neqativə endirməyə sövq edib.-0-
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz