ilham huseynli
“Mədən sənayesində şəffaflığın artırılması” Koalisiyasında Dövlət Statistika Komitəsinin hesabatı müzakirə olunacaq
Bakı/27.12.22/Turan: İqtisadçı alim İlham Hüseynli yenidən “Mədən sənayesində şəffaflığın artırılması” QHT Koalisiyası Şurasının koordinatoru seçilib.
Həmin 228-ci iclasda Azər Rəsul yekdilliklə doqquz səslə Şuranın üzvü seçilib. Bu barədə "Turan"a Koalisiyadan məlumat verilib.
Dekabrın 29-da Koalisiya Dövlət Statistika Komitəsi tərəfindən hazırlanmış “Mədən sənayesində şəffaflığa dair 2021-ci il üçün Yekun Hesabat”a dair qiymətləndirmə rəyini müzakirə edəcək. Digər aktual məsələlər də müzakirə olunacaq.
“Mədən sənayesində şəffaflığın artırılması” ictimai birliyi 2004-cü ildə yaradılıb və təkcə paytaxtda deyil, Azərbaycanın regionlarında da 80-dən çox üzvü var. Koalisiya öz səylərinin böyük hissəsini MSŞT-nün effektiv və davamlı şəkildə həyata keçirilməsinin dəstəklənməsinə və vətəndaş cəmiyyətinin iştirakının artırılmasına yönəldib. Koalisiya həmçinin benefisiar mülkiyyətin açıqlanmasına çalışıb və dövlət şirkətlərinin şəffaflığı üçün kampaniya aparıb.
“Mədən sənayesində şəffaflığın artırılması” Koalisiyası "Extractive Industries Transparency Initiative" beynəlxalq təşkilatının assosiativ üzvüdür. –0—
İqtisadiyyat
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
-
Azərbaycan parlamenti 2025-ci il üçün yaşayış minimumunu müəyyən edən qanunu təsdiqləyib, müxtəlif demoqrafik qruplar üçün konkret məbləğlər ayrılıb. Prezident İlham Əliyev tərəfindən 16 dekabrda imzalanan qanun 2025-ci il yanvarın 1-dən qüvvəyə minəcək. Prezidentin fərmanı 27 dekabrda dərc edilib.
-
Azərbaycan Prezidenti 27 dekabr 2024-cü il tarixində dövlət xərclərinin bölüşdürülməsi və icrasını nizamlayan "2025-ci il Dövlət Büdcəsi Qanunu"nun tətbiqi ilə bağlı fərman imzalayıb. 93-VIIQ nömrəli qanun çərçivəsində kodlaşdırılan qanunvericilik, müdafiə, təhsil, səhiyyə və infrastruktur sahələrindəki strateji prioritetləri əks etdirən müxtəlif sektorlara aid ətraflı büdcə təxsisatlarını müəyyən edir.
Rəy yaz