Vergilər Nazirliyi rəhbərlərinin ölkədən çıxmasına məhdudiyyət qoyulan şirkətlərin yeni siyahısını açıqlayıb. Son iki ayda onların sayı iki dəfə artaraq 999-a çatıb.
Yeni siyahıda ölkə iqtisadiyyatı üçün mühüm olan şirkətlər də var. “Azeri Drillinq Kompani” MMC-nin dövlət büdcəsinə 886 min 416 manat borcu var. Bu şirkət 2006-cı ildə SOCAR-ın (35% və “Target Petroleum Azerbaycan Korporeysn” – 65%, Panama) iştirakı ilə yaradılıb. Bu səbəbdən Faiq Məmmədov borc ödənilənə qədər ölkədən çıxa bilməz.
11 min 99 manat borca görə eyni cəza “İSR Holding” qrupuna daxil Neftçala Yod-brom zavodu rəhbərinə də tətbiq edilib.
“AAAF Park Xirdalan” tikinti şirkəti (“AAAF Park” şirkətlər qrupu) dövlət büdcəsinə cəmi 1852 manat borcu ödəməyib. Amma onun rəhbəri də eyni cəzaya məruz qalıb.
“Yeddi Gözəl” MMC-nin (“Gilan Holding”in Qəbələdəki eyniadlı oteli) 68931 manat borcu var.
Qeyd edək ki, bu siyahıda çıxsaylı birgünlük şirkətlərə rəhbərlik edən 10-a yaxın şəxs var. Bir qayda olaraq, belə şirkətlər vergidən yayınmaq üçün yaradılır. Onların rəhbərləri isə müəyyən məbləğ müqabilində cinayət cəzası ilə razılaşır. 08B
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz