Bakı/02.28.19/Turan: "MİDA" MMC - sosial mənzil tikintisi üzrə dövlət operatoru çoxmənzilli binaların tikintisinə potensial investorları cəlb etmək üçün müsabiqə elan edib.
Müsabiqədə iştirak pulludur (300 manat). Tikintinin həcmi barədə MİDA-nın niyyəti müsabiqə sənədində göstərilir. Turan İnformasiya Agentliyi Müsabiqə Komissiyasından özəl tikinti üçün ayrılan torpaq sahəsi və binaların sayı haqqında məlumat verməsini xahiş edib. Ancaq burada müsabiqənin tender qanunvericiliyinə uyğun keçirilməməsi ilə bağlı sualları cavablandırmaqdan imtina ediblər. Eyni zamanda, komissiya bu növ investor seçiminin hansı qanunvericilik və ya normativ aktla tənzimlənməsinə dair suala cavab verə bilməyib.
Ərizələr martın 18-dək qəbul edilir.
Tikinti işləri Yasamal Yaşayış Kompleksinin ikinci mərhələsi çərçivəsində ayrılmış 15,4 hektar sahədə aparılır. Burada 2002 mənzildən ibarət 40 yaşayış binasının tikintisi planlaşdırılır.
Qeyd edək ki, bu, Yasamal yaşayış kompleksi layihəsi çərçivəsində çoxmərtəbəli binaların tikintisi üçün MİDA MMC-nin ikinci investor axtarışdır. İlk müqavilə 2017-ci ildə KAT Holding MMC-yə verilib. Bu şirkət üç 12 mərtəbəli və bir 9 mərtəbəli yaşayış binası inşa edib. Onun investisiyaları 10 milyon manat səviyyəsində qiymətləndirilir. 12 mərtəbəli binalardan biri MİDA-nın sərəncamına verilib. --0--
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz