Bakı/28.02.19/Turan: Azərbaycan prezidentinin cəza siyasətinin humanistləşdirilməsi, o cümlədən bəzi əməllərin dekriminallaşdırılması üzrə tədbirlər haqqında fərmanı qəbul etməsindən ötən 2 il ərzində məhkəmələr 6 min məhbusun işinə baxıb. Bu barədə dünən Məhkəmə-Hüquq Şurasının ədliyyə naziri Fikrət Məmmədovun sədrliyi ilə keçirilən iclasında bildirilib.
Qeyd edilib ki, 4200 nəfərdən çox şəxs cəzadan azad edilib və ya cəza müddəti azaldılıb.
Alternativ cəzanın tətbiqinin genişləndirilməsi məqsədilə elektron qolbaqların tətbiqinə başlanıb. Artıq 900-dən çox məhkuma elektron qolbaq tətbiq edilib.
Bundan başqa, qanunvericiliyin tələblərinin pozulması ilə əlaqədar bir məhkəmə sədri daxil olmaqla, 6 hakimə töhmət verilib.
2005-ci ildən indiyə qədər 250 hakim barəsində intizam icraatı başlanıb. Bu zaman 14 hakimin səlahiyyətlərinə vaxtından əvvəl xitam verilib. -05D06-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz