Bakı/15.04.19/Turan: Bakı şəhərinin Baş planının hazırlanması üzrə tenderin qalibi Almaniyanın "AS+P" şəhərsalma şirkəti seçilib, bu barədə Dövlət Şəhərsalma və Arxitektura Komitəsi məlumat verir.
"AS+P" şirkəti Bakının Baş planının hazırlanması prosesinin 2-ci mərhələsinin reallaşdırılmasında iştirak edəcək.
Bu mərhələdə görüləcək işlər "Boston Consulting Group" beynəlxalq məsləhətçi şirkəti tərəfindən işlənib hazırlanacaq inkişaf konsepsiyası ilə müəyyənləşdirilmiş prioritetlər üzərində qurulacaq.
Baş planın hazırlanmasının 2-ci mərhələsi çərçivəsində Bakı ərazisinin strateji və çoxsəviyyəli planlaşdırılması, əsas inkişaf göstəriciləri üzrə modelləşdirmə ilə bağlı texniki işlər aparılacaq.
Nəzərdə tutulan bu çoxşaxəli kompleks fəaliyyət çərçivəsində müxtəlif incələmə səviyyəsində bir sıra istiqamətlər, o cümlədən ərazilərin istifadəsi, "yol-nəqliyyat infrastrukturunun və ictimai nəqliyyat sisteminin inkişafı", "ətraf mühitin və ekoloji durumun yaxşılaşdırılması", "mühəndis-kommunikasiya sisteminin inkişafı", "ictimai məkanların inkişafı", "əsasli tikinti və tikinti sıxlığının tənzimlənməsi" üzrə proqramlar hazırlanacaq.
Bakının Baş planının hazırlanması işi 2020-ci ilin sonunadək başa çatdırılacaq.
O, şəhərin qarşıdakı 20 il üçün inkişaf planını müəyyənləşdirəcək. Hazırkı Baş planın müddəti 2005-ci ildə başa çatıb.
Tender proseduru 2018-ci ilin dekabr ayından 40-dan artıqq qiymətləndirmə meyarları əsasında keçirilib.
Tenderdə 20-ə yaxın xarici şirkət iştirak edib.
AS + P-nin rəsmi veb-saytında bildirilir ki, 2007-2008-ci illərdə Bakıda 2016-cı ildə keçirələcək birinci Avropa oyunları üçün olimpiya kompleksinin tikintisi layihəsi hazırlanmışdır. Göründüyü kimi, nəticədə, layihə Azərbaycan tərəfindən qəbul olunmayıb .-- 08D--
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz