![Rusiya Bakı-Novorossiysk neft kəmərini bağlayır](https://turan.az/resized/media/2013/main/051400036104-750-500-resize.webp)
Rusiya Bakı-Novorossiysk neft kəmərini bağlayır
Rusiya və Azərbaycan 1996-cı ildən fəaliyyət göstərən Bakı-Novorossiysk boru kəməri ilə RF ərazisi vasitəsilə Azərbaycan neftinin tranziti haqqında müqaviləyə xitam verəcək.
Müvafiq sərəncamı mayın 5-də RF baş naziri Dmitri Medvedev imzalayıb, xəbəri “Praym” agentliyi yayıb.
RF XİN-ə Azərbaycana 18 yanvar 1996-cı ildə imzalanmış, bir tonu 15,67 dollardan olmaqla ildə beş milyon ton Azərbaycan neftinin nəqlini nəzərdə tutan “müqaviləyə xitam verilməsi haqqında” məlumatlandırmaq tapşırılıb.
“Transneft” prezidentinin müşaviri İqor Deminin sözlərinə görə, müqavilədə həcm və tarif qeyd edilib və bu illər ərzində dəyişməyib. Lakin Azərbaycan nəql həcmi üzrə öhdəliklərini yerinə yetirməyib. Əslində təxminən 2 mln. ton neft nəql olunub. Demin qeyd edib ki, müqaviləyə xitam verilməsi gələn il üçün yeni tarifin müəyyən edilməsi haqqında danışıqlara başlamağa imkan verəcək.
“Transneft” 2011-ci ilin avqustunda Azərbaycanla hökumətlərarası saziş şərtlərinə yenidən baxılması təşəbbüsü irəli sürüb: Bakıya neft nəqlini 30-40% - 3-3,5 milyon tona qədər azaltmaq təlkif olunub. Müqaviləyə düzəlişlər layihəsi razılaşdırılması üçün Bakıya göndərilib, lakin Bakı tərəfindən dəstəklənməyib. Onda “Transneft” Azərbaycanın tələbatı olmayan normanı 2010-cu ildə Xəzər şelfində Korçagin adına yataqda hasilata başlamış LUKOYL-a vermək istəyib. “Transneft”in yarıboş qalan və minimum gəlir gətirən boru kəmərinin saxlanması ilə bağlı birbaşa ziyanı ildə 50 milyon dollar olaraq qiymətləndirilirdi.
2011-ci ildə Azərbaycan tərəfi “Transneft”ə Bakı-Novorossiysk boru kəməri ilə üçüncü tərəflərin neftini nəql etməyi təklif edib, lakin Rusiya tərəfi razılaşmayıb.
* Bakı-Novorossiysk boru kəməri 25 oktyabr 1997-ci ildən fəaliyyət göstərir. -0-
-
- Siyasət
- 14 May 2013 15:59
-
- İqtisadiyyat
- 14 May 2013 16:15
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz