Əmlak Məsələləri Dövlət Komitəsi mayın 1-də “Sabirabad Dəmir Beton” ASC-nin səhmlərinin 99,92%-nin satışı üzrə investisiya müsabiqəsinin nəticələrini elan edib. Qalib elan edilən fiziki şəxsin adı açıqlanmır.
Qurumun məlumatında qeyd edilir ki, investor dövlət büdcəsinə 410 min manat köçürmək öhdəliyi götürüb.
Bir il ərzində o, zavodun modernləşdirilməsinə 1 mln 40 min manat investisiya qoyacaq. Müəssisədə DB məmulatı, istehsalı təşkil ediləcək, metallar qalvanizasiya ediləcək, 60 yeni iş yeri açılacaq.
“Sabirabad Dəmir Beton” ASC-nin nizamnamə kapitalı 821,1 min manatdır.
Müsabiqə təkliflərinə martın 29-da baxılıb. Qaliblə müqavilə bağlanması barədə məlumat bir ay sonra açıqlanıb.
Qeyd edək ki, ƏMDK investisiya müsabiqəsinin digər iştirakçısı barədə məlumat vermir. Qaydalara əsasən, investisiya müsabiqəsində ən azı iki təklifə baxılmalıdır. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz