SOCAR-ın Belçika Nümayәndәliyi AK-nın Şəffaflıq Reyisterində qeydiyyatdan keçib
Azərbaycan Respublikası Dövlət Neft Şirkətinin (SOCAR) Belçika Nümayәndәliyi Avropa Parlamenti və Avropa Komissiyası tərəfindən yaradılan və idarə olunan Şəffaflıq Reyisterində qeydiyyatdan keçib. Bu haqda Turan-a SOCAR-ın Belçika nümayәndәliyindən bildiriblər.
Bu Reyisterdə qeydiyyat Aİ vətəndaşlarına SOCAR haqqında dəqiq və qərəzsiz informasiya toplanışına, habelə şirkətin maraqları, siyasəti və investisiya olunan resursları barədə ən düzgün məlumatı əldə etməyə imkanlar yaradacaqdır.
Şəffaflıq Reyisterində SOCAR-ın qeydiyyatı və Reyisterin Davranış Məcəlləsinə tam əməl edilməsi bir ictimai məsuliyyət göstəricisidir.
Beləliklə, Dövlət Neft Şirkəti Avropa Birliyi qaydaları ilə fəaliyyət göstərməsini qəbul edir və tam şəffaf şəkildə Avropa institusiyaları ilə qarşılıqlı əlaqə yaradır.
SOCAR-ın Avropa Parlamenti və Avropa Komissiyası tərəfindən yaradılan Şəffaflıq Reyisterində qeydiyyatı Şirkətin Aİ proseslərində fəal iştirakını ictimailəşdirəcək və bununla SOCAR-ın maraqlarını və məqsədlərini daha geniş auditoriyaya təqdim edə bilməsi üçün müstəsna imkanlar yaradacaqdır.
SOCAR-ın Şəffaflıq Reyisterində qeydiyyatdan keçməsi, həmçinin şirkətin Avropa Parlamenti və Avropa Komissiyası ilə rəsmi qaydada əməkdaşlığını təmin edəcəkdir, deyə Nümayəndəlikdən bildiriblər.—0—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz