"TBC Kredit" qeyri-bank kredit təşkilatının kredit portfeli bu ilin yanvar-iyununda $12,38 mln və ya 64,2% genişlənərək $31,67 mln-a çatıb. Hesabat dövründə mikrokreditləşmə $3,76 mln və ya 2,7 dəfə artaraq $6,02 mln təşkil edib.
Cəmiyyətin aktivləri $10,94 mln və ya 50,7% artaraq $32,68 mln-a çatıb. Müştəri bazası 70,8% genişlənərək 3,11 min nəfər təşkil edib.
Problemli kreditlərin payı 2,44 faiz bəndi azalaraq 3,15%, mikrokreditləşmədə 1,12 f.b. azalaraq 0,60% olub.
Fəaliyyəti dövründə təşkilat $106,47 mln kredit, o cümlədən $20,31 mln mikrokredit verib.
"TBC Kredit" 10 ilə kimi kredit verir. Kredit məbləği 300-200 000 manatdır. Faiz dərəcəsi 18-dən başlayır.
Təşkilat 2000-ci ildən fəaliyyət göstərir. Səhmdarları "TBC Bank" (75%) "ShoreBank International"dır (25%). Təşkilat biznes, ipoteka, istehlak və mikro kreditlər verir. --15B--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz