2012-ci ilin birinci yarısında ölkə iqtisadiyyatına yönəldilmiş xarici investisiyaların həcmi $4,7 mlrd olub (beynəlxalq maliyyə təşkilatları və bankların kreditləri nəzərə alınmaqla). Bu, ötən ilin eyni dövrü ilə müqayisədə 36,8% çoxdur. Bunun 46,2 faizi birbaşa investisiyalardır.
Dövlətstatkomda Turan-a bildiriblər ki, ilin I yarısında birbaşa xarici investisiyaların həcmi $2,2 milyard olub. Bu, ötən ilin eyni dövrü ilə müqayisədə 26,9% çoxdur. Amma DSK-da birbaşa xarici investisiyaların ölkələr üzrə strukturunu açıqlamağa çətinlik çəkiblər və bildiriblər ki, bu, ilkin məlumatdır.
Neft-qaz sektoru əvvəlkitək əcnəbilər üçün cəlbedicidir: yanvar-iyunda 85,5% və ya $1,9 mlrd bu sektora yönəldilib.
2011-ci ildə Azərbaycan iqtisadiyyatına xarici investisiyalar $8,7 mlrd olub. Onun 49,5%-i birbaşa investisiyalardır. Azərbaycan iqtisadiyyatına investisiyalarda ilk üçlüyə Niderland, Birləşmiş Krallıq və Türkiyə daxildir. 08B.
İqtisadiyyat
-
2024-cü ildə Transxəzər Beynəlxalq Nəqliyyat Dəhlizi (TITR) vasitəsilə daşınan yüklərin həcmi 62% artaraq 4,5 milyon tona çatıb, Qazaxıstanın Baş naziri Oljas Bektənov çərşənbə günü Gürcüstanın Baş naziri İrakli Kobaxidze ilə görüşündə bildirib. Bu barədə Qazaxıstan hökumətinin mətbuat xidməti məlumat yayıb.
-
Azərbaycan Respublikasının Kiçik və Orta Biznesin İnkişafı Agentliyinin (KOBİA) Müşahidə Şurasının iclası bazar ertəsi günü İqtisadiyyat naziri Mikayıl Cabbarovun sədrliyi ilə keçirildi. İclasda agentliyin 2024-cü il üzrə fəaliyyətinin icmalı təqdim olunub və 2025-ci il üçün əsas prioritetlər müəyyən edilib.
-
2025-ci ilin yanvar ayında Bakı şəhərində "Turan" agentliyi tərəfindən tərtib edilmiş, 30 əsas yerli ərzaq məhsulunu əhatə edən istehlak səbətinin (İS) orta qiyməti 0,3% artdı.
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
Rəy yaz