Açiq mənbələrdən foto.
Bakı/07.04.21/Turan: Aprelin 6-da Dövlət Gömrük Komitəsində Azərbaycan Beynəlxalq Avtomobil Daşıyıcıları Assosiasiyasının nümayəndələrinin Rusiyanın Bakıda səfirliyinin gömrük məsələləri üzrə müşaviri Georgiy Pesçanskix ilə görüşü keçirilib.
Tərəflər Azərbaycan və Rusiya arasındakı gömrük-sərhəd keçid məntəqələrindən yük nəqliyyat vasitələrinin sərhədkeçmə məsələlərini müzakirə edib.
Azərbaycan Beynəlxalq Avtomobil Daşıyıcıları Assosiasiyasının nümayəndələri Rusiya sərhəddində daimi növbələr, Azərbaycan yük daşıyıcılarına cərimələrin hesablanması, sürücülərin sərhəd-keçid məntəqələrində saxlanılması ilə bağlı şikayətlər təqdim edib.
Dövlət Gömrük Komitəsinin tərəflərin görüşünün yekunlarına dair verdiyi məlumatda qeyd olunur ki, Azərbaycan-Rusiya sərhədində yerləşən gömrük-keçid məntəqələri beynəlxalq ticarətin və tranzitin həyata keçirilməsində mühüm rol oynayır və daşımaların sürətli, asan şəkildə reallaşdırılması üçün iki ölkənin gömrük qurumları arasında səmərəli əməkdaşlıq münasibətləri mövcuddur.
“Hazırda gömrük-keçid məntəqələrində yenidənqurma işləri aparılır və bu il ərzində daha bir gömrük-keçid məntəqəsinin tikintisi başa çatdırılaraq istifadəyə verilməsi nəzərdə tutulur. Bu da sərhədkeçmə proseslərinin və yük daşımalarının sürətləndirilməsinə şərait yaradacaq”, - deyə Dövlət Gömrük Komitəsi məlumat verir.
Görüşdə Rusiya Federasiyasının ölkəmizdəki səfirliyinin gömrük məsələləri üzrə müşaviri Georgiy Pesçanskix daşıyıcı şirkətlərin nümayəndələrinin gömrük, nəqliyyat və sərhədkeçmə prosesləri ilə bağlı suallarını cavablandırıb, onları narahat edən məsələlərin araşdırılacağını və mümkün köməyin göstəriləcəyini bildirib.
Görüşdə Dövlət Gömrük Komitəsi Gömrük Sərhəd Buraxılış Məntəqələrinin İşinin Təşkili Baş İdarəsinin rəisi Şahin Ələsgərov və Beynəlxalq Əməkdaşlıq İdarəsinin rəisi Dilavər Fərzəliyev iştirak edib.
Azərbaycan Beynəlxalq Avtomobil Daşıyıcıları Assosiasiyası avtomobil nəqliyyatı ilə beynəlxalq daşımaları həyata keçirən Azərbaycanın fiziki və hüquqi şəxslərini birləşdirir.
Assosiasiya 1993-cü ilin may ayında yaradılıb. Azərbaycan Beynəlxalq Avtomobil Daşıyıcıları Assosiasiyası Azərbaycan ərazisində 1975-ci ildə qəbul edilən TIR Gömrük Konvensiyası üzrə zəmanət assosiasiyasıdır. 08D
İqtisadiyyat
-
Nazirlər Kabineti ölkənin iqtisadi inkişafını ortamüddətli dövr üçün istiqamətləndirəcək sektor üzrə strateji planların hazırlanmasına dair ətraflı çərçivəni təsdiq edib.
-
Azərbaycanın ADY Express şirkəti, "Azərbaycan Dəmir Yolları" QSC-nin törəmə müəssisəsi, Türkiyənin İstanbul şəhərində keçirilən Logitrans Türkiye 2024 sərgisi çərçivəsində Orta Dəhliz boyunca yükdaşıma xidmətlərinin genişləndirilməsi öhdəliyini təsdiqləyən bir sıra strateji sazişlər imzalayıb.
-
Azərbaycan qarşıdakı 4-5 il ərzində ümumi gücü 350 MVt olan ən müasir yaşıl enerji saxlama obyektləri yaratmağı planlaşdırır. Bu barədə Turan-a məlumatlı mənbə Energetika Nazirliyindən bildirib.
-
Xəzər qaz-kondensat "Abşeron" layihəsinin səhmdarları dekabr ayında tammiqyaslı inkişaf üçün əsas olan Front End Engineering Design (FEED) sənədini təsdiqləməyi planlaşdırırlar, bu barədə məlumatlı mənbə Turan-a bildirib.
Rəy yaz