Mərkəz araşdırma ilə məşğuldur, yoxsa qarışdırma ilə...?

Dövlət Gömrük Komitəsinin (DGK) təqdim etdiyi məlumata əsasən, 2024-cü ilin birinci yarımilliyində ölkəyə 1 milyard 131 milyon 483 min dollar dəyərində yeyinti məhsulları idxal edilmişdir ki, bu da 2023-cü ilin eyni dövrü ilə müqayisədə 73 milyon 54 min dollar, yəni 6,9% çoxdur. Xatırladım ki, 2023cü ilin yanvar-iyun aylarında ölkəyə 1 milyard 58 milyon 429 min dollar dəyərində yeyinti məhsulları idxal edilmişdir. Onu da xatırladım ki, son 5 ildə yanvar-iyun aylarında  yeyinti məhsulları idxalı 55,3%, son 10 ildə isə 2,2 dəfədən çox artıb.

Dövlət Statistika Komitəsinin yaydığı məlumatda bildirilir ki, Azərbaycanda qida məhsulları, içkilər və tütün məmulatları üzrə istehlak qiymətləri indeksi 2024-cü ilin iyun ayında əvvəlki aya nisbətən 99,9 faiz, 2023-cü ilin iyun ayına nisbətən isə 100,2 faiz təşkil etmişdir. Yəni iyun ayında əvvəlki aya nisbətən qida məhsulları 0,1% ucuzlaşıb, keçən ilin iyun ayına nisbətən isə 0,25 bahalaşıb.

Xatırladım ki, Azərbaycan Respublikası Tarif (qiymət) Şurası hələ 4 yanvar 2021-ci il tarixində Dövlət Neft Şirkətinin (SOCAR) ölkədə təbii qazın, Aİ-92 markalı avtomobil benzininin və dizel yanacağının pərakəndə satış qiymətlərinin artırılması ilə bağlı müraciətinə müsbət cavab verərkən Aİ-92 markalı avtomobil benzininin və dizel yanacağının pərakəndə satış qiymətinin artırılmasını həmin məhsulların keyfiyyətinin yüksək avrostandartlara çatdırılması, ekoloji mühitin yaxşılaşdırılması, neft emalı sənayesində yenidənqurma və modernləşdirmə işlərinin davam etdiriləcəyi ilə əsaslandırmışdı.

Dövlət Statistika Komitəsinin yaydığı məlumata görə, 2024-cü ilin yanvar-may aylarında Azərbaycanda 3 milyard 352 milyon manat dəyərində kənd təsərrüfatı məhsulu istehsal edilib ki, bu da ötən ilin eyni dövrü ilə müqayisədə 3,1 % çoxdur. Komitə bildirir ki, son bir ildə ölkədə istehsal olunmuş bitkiçilik məhsullarının dəyəri 7,4 % artaraq 783 milyon manat, heyvandarlıq məhsullarının dəyəri isə 1,7 % artaraq 2 milyard 569 milyon təşkil edib.