Qonşuda qoyun “asqırdı” bizdə qiymətlər qalxdı. Səbəb nədir və nə etməli?

Dövlət Statistika Komitəsinın bu günlərdə yaydığı məlumatda qeyd edilir kİ, cari ilin yanvar-mart aylarında Azərbaycanda 1444,6 milyon manat dəyərində kənd təsərrüfatı məhsulu, o cümlədən 1368,5 milyon manat heyvandarlıq, 76,1 milyon manatlıq bitkiçilik məhsulları istehsal edilib ki, bu da ötən ilin eyni dövrü ilə müqayisədə 1,1 % çoxdur.

Dövlət Gömrük Komitəsinin təqdim etdiyi məlumata əsasən apardığımız hesablamalar göstərdi ki, 2024-cü ilin birinci rübündə Azərbaycan idxal etdiyi yeyinti məhsullarının dəyəri ötən ilin eyni dövrü ilə müqayisədə 0,3% çox olmuşdur.

Təəssüflə qeyd etməliyəm ki, Azərbaycanda örtülü torpaqlarda yetişdirilən məhsulları istehlakçılara yüksək qiymətlərə təklif edirlər. edilir. Apardığımız araşdırmalar göstərir ki, payız, qış və yaz aylarında Azərbaycan bazarlarında pomidorun qiyməti qonşu ölkələrlə müqayisədə hətta 2-3 dəfə baha satılır.

Dövlət Statistika Komitəsinin yaydığı məlumatda bildirilir ki, Azərbaycanda 2024-cü ilin mart ayında əvvəlki aya nisbətən qida məhsulları, içkilər və tütün məmulatları üzrə istehlak qiymətləri indeksi 100,4 faiz, o cümlədən qida məhsulları 100,5% təşkil etmişdir. Yəni mart ayında əvvəlki aya nisbətən qida məhsulları 0,5% bahalaşıb.