Bank Standardın kreditorları məhkəmənin qərarı ilə razı deyil

Bank Standard kreditorları Bakı №1 İnzibati-İqtisadi Məhkəməsinin qərarı ilə təsdiq edilən Kreditorlar Komitəsi haqda qərardan şikayət edəcək. Məlumata görə, 29 dekabr tarixli qərar gizlədilir, amma onun əsasında ADİF Bank Standardın Kreditorlar Komitəsinin üzvlərini təyin edib və 28 apreldə ilk iclas təyin edib.

Turan-ın məlumatına görə, bu bankın müştərilərinin vəklili Əkrəm Həsənov hesab edir ki, komitə legitim deyil, çünki o seçilməyib, təyin edilib. «Bakı №1 İnzibati-İqtisadi Məhkəməsinin qərarından şikayət edəcəyik, amma qərar heç kəsə göstərilmədiyi üçün bunu edə bilmirik. Fondun Komitənin tərkibini hansı əsasla müəyyən etdiyi aydın deyil».  

Ekspert hesab edir ki, Maliyyə Bazarlarına Nəzarət Palatası və ADIF-ə müraciət edib, amma bu strukturlar Bakı №1 İnzibati-İqtisadi Məhkəməsinin qərarını təqdim etməyib. Həsənov hesab edir ki, buna səbəb qanunsuz məhkəmə qərarıdır. ADİF Kreditorlar Komitəsinin üzvlərini təyin edə bilməz. Qanuna görə, Komitə seçkili orqandır. «Belə çıxır ki, ADİF onun fəaliyyətinə nəzarət edəcək orqanı formalaşdırır. Bu, nonsensdir», - deyə Həsənov bildirir.

Bu qərar «Müflisləşmə və iflas haqqında» qanunun 50-ci maddəsinə ziddir. Orda deyilir ki, komitələri kreditorların ümumi yığıncağı seçir. «Banklar haqqında” qanunda bu orqanın yaradılmasının dəqiq mexanizmi olmasa da, qanunvericilikdə ümumi analogiya prinsipi var. “Normativ-hüquqi aktlar haqqında” konstitusiya qanununun 1.0. 10 maddəsinə görə, əgər bu münasibətlər xüsusi qanunla tənzimlənmirsə, uyğun qanunvericilik tətbiq edilir. Yəni «Banklar haqqında” qanun susursa, «Müflisləşmə və iflas haqqında» qanunun 50-ci maddəsinə müraciət edilməlidir. Orda bütün məsələlər tənzimlənir», - deyə vəkil hesab edir. 

Bank Standard müştəri sayına görə ABB-dən sonra ölkənin ikinci bankıdır. Kreditorların dəqiq sayı açıqlanmır, amma burda minlərlə fiziki və hüquqi şəxs,  şirkət və dövlət strukturlarının vəsaiti qalıb. Qanuna əsasən, müflislik zamanı kreditorların marağını onların ümumi yığıncaqda seçdiyi komitə təmsil etməlidir. Onun maliyyə sənədlərinə çıxış hüququ və iflas proseduru üzərində nəzarət hüququ olur.

«ADIF Komitəyə 20 üzv seçib, minlərlə kreditoru kənarda qoyub. Niyə məhz onlar – aydınlaşdırmağa çalışırıq», - deyə ekspert bildirib. Həsənovun sözlərinə görə, Kreditorlar Komitəsinin üzvlərinin çoxu dövlət sektoruna aid və ya MBNP-nin nəzarətində olan şirkətlərdir. Yalnız bir şirkətin Palata və ya dövlətə aidiyyatı yoxdur, amma onun iştirakı bankın öhdəliyinin böyüklüyünü izah edir.

Xatırladaq ki, Komitənin tərkibinə 9 fiziki şəxs, SKMF, «Azercell Telecom» MMC,  «Socar Cape» MMC, «Socar Marketing» MMC, «Standard İnsurance» ASC, «Qala Həyat» sığorta şirkəti, «Finca Азербайджан» BOKT, «UniLeazing» QSC, «GESCO» ASC var.

Legitimlik məsələsi açıq qalsa da, Bank Standardın borclarının qaytarılmasına nəzarəti və  minlərlə kreditorun maraqlarını bu komitə təmsil edəcək.

«Bir gün əvvəl deyilənlərlə bağlı, eləcə də Kreditorlar Komitəsinin ilk iclasında şəxsən iştirak etmək niyyətim barədə Palataya və ADİF-ə müraciət etdim, çünki mən ləğvetmə prosesində kreditorların marağını müdafiə etmək üçün onlardan etimadnamə almışam. Bu, zəruridir, çünki Kreditorlar Komitəsi ümumi yığıncaqda seçilməyib və ümumi yox, öz marağını müdafiə edəcək. Yəni Kreditorlar Komitəsinin üzvləri öz pullarını qaytarmaqda maraqlıdır. Digər kreditorların məhkəmə qaərarından şikayəti bununla bağlıdıır», - deyə o bildirib.

Vəkil deyib ki, Gəncəbankın Kreditorlar Komitəsi də oxşar şəkildə təyin edilib. Amma kreditor az olduğu üçün rezonans azdır. Bank Standard və Gəncəbankın müflisliyi prosesində yaradılan Kreditorlar Komitələrinin ilk iclasları 28 aprel və 5 mayda keçiriləcək. ADİF komitələrin tərkibin elan edib və üzvlərə yazılı bildiriş göndərib.