Dövlət bankının yeni səhmlərinə 15 mindən çox investor sifariş verib
Dövlətə məxsus “Azərbaycan Beynəlxalq Bankı”nın (ABB) iyunun 11-dən abunə yazılışına başlanılmış yeni səhmlərinə indiyə qədər 15 mindən çox investor 20 mindən çox sifariş verib.
Bunu bankın İdarə Heyətinin sədri Abbas İbrahimov bildirib.
Onun sözlərinə görə, təkcə ötən həftə 4 minə yaxın yeni investor cəlb edilib, bu rekord göstəricidir.
“Potensial səhmdarlarımızın 25%-i gənclərdir. Sifarişlərin 85%-dən artıq hissəsi rəqəmsal kanallarla yerləşdirilib. Səhmlərə abunə yazılışının 34%-i regionların payına düşür”, - deyə sədr qeyd edib.
Maliyyə
-
“Bakı Fond Birjası”nın (BFB) Listinq Komitəsinin qərarı ilə “Legion Financial” səhmdar cəmiyyətinin (lizinq xidmətləri göstərir) AZ1001025464 ISIN kodlu, 1 milyon manatlıq adi, sənədsiz, adlı səhmləri standart bazar seqmentində listinqə daxil edilib.
-
“Bakı Fond Birjası”nın (BFB) Listinq Komitəsinin qərarı ilə “Kristal Bakı” səhmdar cəmiyyətinin AZ1001022255 ISIN kodlu, 990 min manatlıq adi, sənədsiz, adlı səhmləri standart bazar seqmentində listinqə daxil edilib.
-
“Azfinance” investisiya şirkəti metal məmulatları istehsal edən “AzeSteelCompany” səhmdar cəmiyyətindəki payını satıb.
-
Azərbaycan Əmanətlərin Sığortalanması Fondu (ADIF) ləğv prosesində olan “Bank of Azerbaijan”ın daşınmaz əmlakını açıq hərraca çıxardığını elan edib.
Rəy yaz