Bakı/05.10.17/Turan: 2017-ci ilin sentyabr ayı ərzində Yaşıl Kart sistemi çərçivəsində fəaliyyət göstərmək hüququ olan sığortaçılar tərəfindən 3045 Yaşıl Kart beynəlxalq sığorta müqaviləsi bağlanılıb.
Bunlardan 1719 müqavilə Türkiyə və İrana, 1235 müqavilə Rusiya, Moldova və Ukraynaya, 91 müqavilə isə Yaşıl Kart sisteminə daxil olan bütün ölkələrə (Belarus və İsrail istisna olmaqla) səfər edən avtonəqliyyat vasitələri ilə bağlı olub.
Hesabat dövründə beynəlxalq sığorta müqavilələri üzrə sığorta şirkətləri tərəfindən toplanmış sığorta haqları 211 174 manat təşkil edib. Yaşıl Kart müqavilələrinin 2445-i minik, 313-ü yük, 267-i qoşqu, 18-i avtobus, 2-i isə motosiklet kateqoriyası üzrə olan nəqliyyat vasitələri ilə bağlı olub.
Hazırda Yaşıl Kart sığorta növü üzrə İcbari Sığorta Bürosunun iştirakçıları olan 13 sığorta şirkəti ("Atəşgah" Sığorta Şirkəti ASC, "Standard Insurance" Sığorta Şirkəti ASC, "AtaSığorta" ASC, "Xalq Sığorta" ASC, "PAŞA Sığorta" ASC, "AXA MBASK" Sığorta Şirkəti ASC, "AzSığorta" ASC, Azərbaycan Respublikası Dövlət Sığorta Kommersiya Şirkəti, "Meqa Sığorta" ASC, "İpək Yolu Sığorta" ASC, "Azərbaycan Sənaye Sığorta" ASC, "Qala Sığorta" ASC, "Günay Sığorta" ASC) fəaliyyət göstərir.71D
Maliyyə
-
Yanvarın 15-dən Dövlət Neft Şirkəti (SOCAR) “Yaşıl istiqraz”larını tədavülə buraxacaq.
-
Prezident İlham Əliyev yanvarın 10-da maliyyə naziri Samir Şərifovun vəzifəsindən azad edilməsi haqqında sərəncam imzalayıb.
-
Azərbaycan Mərkəzi Bankı (AMB) 15 noyabr 2022-ci ildə təsdiqlədiyi “Mərkəzi Bank ilə banklar arasında xarici valyutanın alqı-satqısı Qaydası”nı dəyişib.
-
2024-cü ildə Azərbaycanda iqtisadi artım 4,6% təşkil edib, bu rəqəmin 2025-2026-cı illərdə orta hesabla 3% olacağı gözlənilir.
Rəy yaz