![Prezident İlham Əliyev: �Azərbaycan Avropa Şurasını tərk edərsə heç nə itirməz�](https://turan.az/resized/media/2017/main/100500004796-750-500-resize.webp)
Prezident İlham Əliyev: �Azərbaycan Avropa Şurasını tərk edərsə heç nə itirməz�
Bakı/05.10.17/Turan: Azərbaycanı totalitar ölkə kimi təqdim etmək və ölkəni ləkələmək cəhdləri Azərbaycanın inkişafında maraqlı olmayan və burada hökmranlıq etmək istəyən müəyyən dairələrin işidir. Bu barədə prezident İlham Əliyev çərşənbə günü Avropa İttifaqı Şurası siyasət və təhlükəsizlik komitəsi nümayəndə heyətilə görüşündə bildirib.
"Bu dairələr Azərbaycanı totalitar, avtoritar, hüquqların tapdalandığı və azadlıqların pozulduğu bir ölkə kimi göstərməyə cəhd edirlər. Bu, bir tendensiyadır. Mən prezident seçildiyim gündən bu tendensiya bizim hökuməti müşayiət edir", - İ.Əliyev vurğulayıb.
O, qarayaxma kampaniyasının müəllifləri kimi erməni lobbisini, bəzi QHT-ləri və "bizdən istədiyini ala bilməyən" müəyyən dairələri göstərib.
Dövlət başçısının sözlərinə görə, Azərbaycanda bütün azadlıqlar təmin olunur. Mətbuat azadlığının, toplaşma azadlığının məhdudlaşdırılmasından söhbət gedə bilməz. Müxalifət müntəzəm surətdə mitinqlərini keçirir.
"Həbslərə gəlincə, onlar hər bir ölkədə baş verir. Polis zorakılığına dair deyə bilərəm ki, siz Azərbaycanda onun şahidi ola bilməzsiniz, çünki o, mövcud deyil", - prezident vurğulayıb.
Avropa Şurasından çıxmağın mümkünlüyünə gəlincə, İ.Əliyev deyib ki, ölkədə Avropa Şurası ilə bağlı ictimai rəy o qədər də müsbət deyil. Onun sözlərinə görə, bu qurumda Azərbaycana qarşı münasibət olduqca mənfi olub. Ermənistan isə AŞPA-dakı lobbi qrupları tərəfindən hər zaman himayə olunur.
"Təəssüf ki, son vaxtlar Avropa Şurasının bəzi rəsmiləri Azərbaycana qarşı yeni hücum təşkil ediblər. Onlar bizi üzvlükdən məhrum etmək və bizə qarşı sanksiya tətbiq etməklə hədələyirlər. Təbii ki, bizim siyasətçilər, parlamentarilər, jurnalistlər və insanlar adekvat reaksiya nümayiş etdirirlər", - o vurğulayıb.
İ.Əliyevin fikrincə, Azərbaycana əsassız hücumların arxasında Avropa Şurasının baş katibi durur.
"Azərbaycana qarşı məqsədyönlü hücum məyusluq yaradır və "bizim o təşkilatda nə işimiz var kimi" fikirlər meydana gəlir. Sizə səmimi, dostcasına deyim ki, Azərbaycan Avropa Şurasını tərk etsə heç kəs buna əhəmiyyət verməyəcək. Həyatımızda heç nə dəyişməyəcək. Biz bundan sonra nə yaxşı, nə də pis, nə zəngin, nə də yoxsul yaşamayacağıq", - o bildirib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz