![«Unibank» nizamnamə kapitalını 17,5% artıracaq](https://turan.az/resized/./turan-750-500-resize.webp)
«Unibank» nizamnamə kapitalını 17,5% artıracaq
Bakı/09.10.17/Turan: "Unibank" ASC-nin səhmdarlarının oktyabrın 13-də keçiriləcək növbədənkənar yığıncağında nizamnamə kapitalının artırılması müzakirə olunacaq, deyə bankın məlumatında bildirilir.
Kapitalın 21 mln manat və yaxud 17,6% artırılması və 140,686 mln manata çatdırılması nəzərdə tutulur.
"Kapitalın növbəti artımı səhmdarların Bankın daha da böyüməsində marağını ortaya qoymaqla, ölkə iqtisadiyyatına dəstəyi artırmaq və müştərilərin maliyyə ehtiyaclarını daha yüksək səviyyədə qarşılamaq mövqeyindən irəli gəlir. Kapital artımı Bankın ölkə iqtisadiyyatına daha çox töhfə vermək, müştərilərə daha geniş xidmət və daha yüksək keyfiyyətli məhsullar təklif etmək və hər zaman müştəri məmnuniyyətini ən vacib məsələ hesab etmək prioritetlərini həyata keçirməyə təkan verəcək", - deyə məlumatda qeyd olunub.
Bu ilin iyun ayında Bankın nizamnamə kapitalı 70%-dək artaraq 119,686 mln. manata çatdırılıb.
"Unibank" ASC 2002-ci ilin oktyabrında yaradılıb. Səhmdarları arasında beynəlxalq maliyyə institutları olan DEG (24,37%) və AYİB də (19,41%) var. -71D-
Maliyyə
-
Auditorlar Palatası 2023-cü ilin yekunları ilə bağlı maliyyə göstəricilərini açıqlayıb. Palata ötən il 0,16 milyon manat mənfəət əldə edib.
-
2024-cü ilin yanvar-iyul aylarında Azərbaycanda kreditlərin sığortası üzrə 2 657,7 min manat sığorta haqqı toplanılıb.
-
“Qala Sığorta” şirkəti İqtisadiyyat Nazirliyinin tabeliyindəki İxracın və İnvestisiyaların Təşviqi Agentliyinin (AZPROMO) nəqliyyat vasitələrinin tam könüllü (KASKO) sığortası ilə bağlı elan edilmiş açıq tenderin qalibi olub.
-
Azərbaycan Mərkəzi Bankı (AMB) Latviyanın "Sun Finance Cetral Asia AS" şirkətinin törəmə strukturu – “SF Azerbaijan” bank olmayan kredit təşkilatının (BOKT) vəzifəli şəxsini inzibati məsuliyyətə cəlb edib.
Rəy yaz