Bakı/13.12.19/Turan: Cümə günü Tbilisidə Gürcüstan Milli Muzeyində Gürcüstan tarixçisi, professor Eldar Nadirzadənin "İrəvan xanlığı" adlı monoqrafiyasının təqdimatı keçirilib.
Gürcüstan KİV-lərinin məlumatına görə, Nadirzadə kitab üzərində işin 3 il davam etdiyini bildirib. Kitabda xanlığın siyasi həyatı, hökmdarları, qonşularla münasibətləri, milli tərkibi və s. haqqında danışılıb.
Monoqrafiyada xanlığın Rusiya tərəfindən ələ keçirilməsi və sonradan milli tərkibinin dəyişdirilməsi mərhələsi tədqiq edilib.
Qeyd edək ki, İrəvan xanlığı 18-19-cu əsrlərdə Rusiyanın Cənubi Qafqazda ilhaq etdiyi Azərbaycan-türk xanlıqlarından biridir.
Sonradan bu torpaqlara İran və Osmanlı İmperiyasından 100 mindən çox erməni köçürülüb. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz