Açiq mənbələrdən foto.
Bakı/15.09.20/Turan: Bu gün Bakının “Mərkəzi Xəzər diktaturası” (Sentrokaspi diktaturası) eser-menşevik hökumətinin qoşunlarından, erməni Daşnaksütyun Partiyasının və ingilis ekspedisiya qruplaşmasının silahlı dəstələrindən azad edilməsinin 102 ili tamam olur.
15 sentyabr 1918-ci ildə Nuru Paşanın rəhbərlik etdiyi Qafqaz İslam Ordusu və Azərbaycan Xalq Cümhuriyyəti (1918-20-ci illər) milli ordusunun hissələri Bakını düşmən qüvvələrinin işğalından azad ediblər
Bundan sonra 28 may 1918-ci ildə Azərbaycan Xalq Cümhuriyyətinin (AXC) elan etdiyi hökumət Gəncədən Bakıya köçüb.
Bakının azad edilməsi uğrunda gedən döyüşlərdə minə yaxın türk əsgər və zabiti, beş min Azərbaycan vətəndaşı həlak olub.
Bakıda hakimiyyətin AXC hökumətinin əlinə keçməsinə baxmayaraq, Qarabağ daşnakların nəzarəti altında qalmışdı. Həmin bölgəyə Qafqaz İslam Ordusunun hissələri göndərilib, Nuri Paşa isə hissələrə yerində rəhbərlik etmək üçün Ağdama yola düşmüşdü. Onun rəhbərlik etdiyi ordu tezliklə Şuşaya daxil olaraq şəhərin üzərində Azərbaycan bayrağını qaldırmışdı.
Əlamətdar tarix münasibətilə ötən gün və bu gün ictimaiyyət nümayəndələri, Türkiyənin Azərbaycandakı səfirliyinin əməkdaşları Şəhidlər Xiyabanını və Bakıdakı türk əsgərlərinin Memorialını ziyarət ediblər.
Eyni zamanda bu gün polis Demokratik Qüvvələrin Milli Şurasının aksiyasına mane olub. AXCP lideri Əli Kərimlinin çıxışı zamanı polis Milli Şuranın üzvlərini və tərəfdarlarını Memorialdan sıxışdırmağa başlayıb.
Ə.Kərimli qarşıdurmadan qaçmaq üçün tərəfdarlarını münaqişəyə getməməyə çağırıb. O 1918-ci ildə Bakının azad edildiyi kimi, Qarabağı da azad etmək üçün Azərbaycan dövlətinə güclü olmağı arzuladığını söyləyə bilib.
Tarixi günlə əlaqədar Türkiyə prezidenti Rəcəb Tayyib Ərdoğan Azərbaycan prezidenti İlham Əliyevə məktub göndərib. Məktubda qeyd olunur ki, 102 il bundan öncə Qafqaz İslam Ordusu iki ölkə xalqları arasında qardaşlığın təməlini qoyub və bu gün də davam edir.
Türkiyə əvvəlkitək Azərbaycanla birlikdədir, R.T.Ərdoğan qeyd edib. -05D06
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz