Bakı/13.02.19/Turan: 2019-cu ilin ikinci yarısında prezident İlham Əliyevin Çexiyaya səfəri planlaşdırılıb. Bu barədə Çexiyanın Azərbaycandakı səfiri Milan Ekert çərşənbə günü mətbuat konfransında bildirib.
Çox güman ki, səfər oktyabrda baş tutacaq və Çexiya dövlətinin administrasiya rəhbəri bununla bağlı hazırlıq işləri aparır.
Digər səfərlərə toxunan səfir qeyd edib ki, birinci yarımildə Çexiya parlamenti Deputatlar Palatasının sədri Radka Vondraçka Bakıya gələcək.
Onun sözlərinə görə, Praqada Çexiya-Azərbaycan hökumətlərarası komissiyanın növbəti iclası olacaq.-71D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz