4 ay sonra Müdafiə Nazirliyi Baş Qərargah rəhbərinin vəzifədən azad edildiyini etiraf edib

Bakı/28.01.21/Turan: Baş Qərargah rəisi Nəcməddin Sadıqovun taleyi haqqında susqunluğunu 4 ay davam etdirən Azərbaycan Müdafiə Nazirliyi bu gün birdən-birə onun ehtiyata buraxıldığı barədə məlumat yayıb.

İkinci Qarabağ müharibəsi günlərində Müdafiə Nazirliyi müdafiə nazirinin birinci müavininin haraya yox olması barədə suallara cavab verməyib və onun vəzifədən kənarlaşdırılması haqqında şaiyələrlə bağlı şərh verməyib. Bu arada hərbi mənbələr Sadıqovun müharibənin ilk günlərində vəzifədən kənarlaşdırıldığını bildiriblər. Səbəb baş qərargah rəisini orduda vəziyyətlə bağlı qeyri-adekvat məruzəsinə görə tənqid edən dövlət başçısının narazılığı olub. Bir sıra keçmiş hərbi qulluqçuların fikrincə, müharibənin ilk günlərində itkilər məhz keçmiş qərargah rəisinin adı ilə bağlı olub. Bundan sonra Sadıqovun bir çox əlaltıları da Müdafiə Nazirliyindən xaric edilib.

Sadıqovun vəzifədən kənarlaşdırılmasından 4 aya yaxın vaxt keçməsinə baxmayaraq, baş qərargah rəisi vəzifəsinə indiyədək heç kim təyin edilməyib. -02D-