Nazim Beidemirli
40 gün həbsdən sonra Nazim Bəydəmirliyə ailəsilə görüş verilib
Bakı/25.08.23/Turan: Keçmiş deputat, sahibkar, 1 saylı Bakı İstintaq Təcridxanasında saxlanılan Nazim Bəydəmirli həbsindən 40 gün sonra ilk dəfə avqustun 24-də ailəsilə görüşüb. Xanımı Fəridə Bəydəmirliylə görüş 20 dəqiqə davam edib. Bu barədə Turan-a Fəridə Bəydəmirli bildirib.
“Biz şüşə arakəsmənin arxasından danışdıq. O, gümrah görünürdü. Saxlanma şəraitindən narazı deyil, həkim müayinəsindən keçir, dərmanları verilir”, - Fəridə Bəydəmirli qeyd edib. Bundan öncə bildirmişdi ki, müvafiq məhkəmə qərarına baxmayaraq, ona görüş verilmir.
*Nazim Bəydəmirli iyulun 4-də Daxili İşlər Nazirliyi Mütəşəkkil Cinayətkarlıqla Mübarizə Baş İdarəsi tərəfindən saxlanılıb. Ona qarşı Azərbaycan Cinayət Məcəlləsinin 182.2.4-cü maddəsilə (xeyli miqdarda əmlaka sahib olmaq məqsədilə hədə-qorxu ilə tələb etmək) ittiham irəli sürülüb. Ertəsi gün məhkəmə onun barəsində 4 ay müddətinə həbs qətimkan tədbiri seçib. Bəydəmirli ittihamı rədd edərək onu uydurma və hüquqi əsaslardan məhrum adlandırıb. Onun sözlərinə görə, həbsinin əsl səbəbi Gədəbəy rayonunun Söyüdlü kəndi yaxınlığındakı qızıl emalı zavodunun ətraf mühiti çirkləndirməsilə bağlı sakinlərin etirazları ilə əlaqədar çıxışlarıdır.
Hüquq müdafiəçiləri Nazim Bəydəmirlinin siyasi məhbus kimi tanıyıblar.03В06
Siyasət
-
Azərbaycan Xalq Cəbhəsi Partiyasının (AXCP) Suraxanı rayon şöbəsinin fəalı Tehran Abdullayev oktyabrın 15-də saxlanılıb. AXCP fəalının saxlanılmasından yalnız 3 gün sonra xəbər tutub.
-
Oktyabrın 18-də Bakının Səbail Rayon Məhkəməsində gənc tədqiqatçı Bəhruz Səmədovun saxlanıldıqdan sonra ona qarşı fiziki təzyiqlə bağlı araşdırmanın nəticəsinin olmamasına dair şikayətinə baxılıb.
-
Qərb Cənubi Qafqazda öz maraqlarını güdür, proseslərə müdaxilə etməyə çalışır, bu da region üçün təhdid təşkil edir. Bu barədə Rusiyanın XİN başçısı Sergey Lavrov oktyabrın 18-də İstanbulda 3+3 platformasının iclasının yekunlarına həsr olunmuş mətbuat konfransında bildirib.
-
Oktyabrın 18-də Milli Məclis Cinayət Məcəlləsinə yaşıllıqları zədələməyə görə məsuliyyət tədbirlərini ağırlaşdıran düzəlişləri ilk oxunuşda qəbul edib.
Rəy yaz