Açiq mənbələrdən foto.
Bakı/16.03.23/Turan: ABŞ Avropa Komandanlığının tərəfdaşlıq, təhlükəsizlik və siyasət imkanları üzrə direktor müavini briqada generalı Edvard Voqan Azərbaycana səfəri çərçivəsində ötən gün Fövqəladə Hallar Nazirliyinin rəhbəri Kəmaləddin Heydərovla görüşüb.
Fövqəladə Hallar Nazirliyi bildirib ki, görüş zamanı Heydərov Fövqəladə Hallar Nazirliyinin Mülki Müdafiə Qoşunlarına verilən avadanlığa və təlimə görə ABŞ Müdafiə Nazirliyinə təşəkkür edib.
O, prioritet sahələrdə gələcək ikitərəfli əməkdaşlığın perspektivlərinin vacibliyini vurğulayıb.
Nüvə təhlükəsizliyi məsələsinə toxunan Heydərov Ermənistanda mənəvi və fiziki cəhətdən köhnəlmiş Metsamor Atom Elektrik Stansiyasının bütün region üçün yaratdığı böyük təhlükədən danışıb, - məlumatda deyilir.
Briqada generalı Voqan iki ölkənin müvafiq qurumları arasında çevik reaksiya münasibətlərinin inkişafının qarşılıqlı faydalı olduğunu vurğulayıb. Bu kontekstdə o, ABŞ Təhlükənin Azaldılması üzrə Müdafiə Agentliyilə Azərbaycan Fövqəladə Hallar Nazirliyi arasında əməkdaşlığın genişləndirilməsi perspektivlərindən danışıb.
Bundan əlavə, ABŞ dənizdə neft dağılmaları ilə mübarizə üzrə uyğun qurumlar arasında əməkdaşlığın genişləndirilməsində maraqlıdır.
Bu gün gün Voqan Azərbaycan Dövlət Sərhəd Xidmətinin Sahil Mühafizəsi İdarəsinə gedib, orada Xəzər dənizində infrastrukturun qorunması və narkotik maddələrin qanunsuz daşınmasının qarşısının alınması üçün ABŞ-ın verdiyi avadanlıqdan istifadə ilə tanış olub.
Öz növbəsində ABŞ-ın Azərbaycandakı səfirliyi bildirib ki, briqada generalı Voqan martın 15-də xidməti avadanlığın Azərbaycan hökumətinə təhvil verilməsi mərasimində iştirak edib.
"Sözügedən avadanlığın, habelə fövqaladə vəziyyətə cavab tədbirləri üçün materiaların və təqdim olunan aidiyyatı təlimin ümumi dəyəri 4 milyon ABŞ dollarıdır. Avadanlıq fövqaladə hallar sahəsində çalışanların fövqaladə vəziyyətlərin yarada biləcəyi fəsadları azaltmasına yardım edəcək", -məlumatda deyilir.- 03B06
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz