![Ned Price](https://turan.az/resized/media/2023/main/010400056318-750-500-resize.webp)
Ned Price
ABŞ Azərbaycan və Ermənistan arasında sülhün bərqərar edilməsinə sadiqdir - Dövlət Departamenti
Vaşinqton/04.01.23/Turan: Vaşinqton regionda sülhün bərqərar olması üçün müntəzəm olaraq Azərbaycan və Ermənistanla və digər tərəfdaşlar vasitəsilə qarşılıqlı fəaliyyət göstərir və sıx əməkdaşlığı davam etdirəcək, bu barədə çərşənbə axşamı Dövlət Departamentinin nümayəndəsi Ned Prays bildirib.
"Biz Cənubi Qafqaz regionunda təhlükəsiz, sabit, demokratik, firəvan və dinc gələcəyin təşviq edilməsinə sadiqik", deyə o, çərşənbə axşamı keçirilən brifinqdə Turan-ın müxbirinin sualına cavabda bildirib.
"Biz Dağlıq Qarabağ münaqişəsi ilə bağlı bütün məsələlərin həllinin axtarışı məqsədilə Azərbaycan və Ermənistan arasında birbaşa dialoqa şərait yaratmaq üçün Avropa İttifaqı və ATƏT kimi tərəfdaşlarımızla ikitərəfli əsaslarla qarşılıqlı fəaliyyəti davam etdiririk", deyə Prays əlavə edib.
O, xatırladıb ki, dövlət katibi Blinken Ermənistanlı və Azərbaycanlı həmkarlarını bir neçə dəfə Vaşinqtonda və Nyu-Yorkda bir araya gətirib: "Biz Cənubi Qafqazda təhlükəsizliyə, sabitliyə, demokratiyaya və sülhə şərait yaradan addımları atmağa davam edəcəyik", deyə Prays bildirib.
"Əlbəttə, biz tərəflərin özlərinin irəliləyiş əldə etməsini istəyirik. Bu münaqişənin hərtərəfli həllinin necə olacağını biz təyin etməyəcəyik".
Xatırladaq ki, iki həftə əvvəl Ağ Evin milli təhlükəsizlik üzrə müşaviri Ceyk Sallivan Azərbaycan və Ermənistanın XİN başçıları ilə ayrı-ayrılıqda söhbət edərək, tərəfləri "gərginliyin azaldılması üzrə addımları nəzərdən keçirməyə" çağırıb.
Dekabrın sonlarına nəzərdə tutulan İlham Əliyev-Nikol Paşinyan görüşü baş tutmayıb. 025B
-
- Bazarların icmalı
- 4 Yanvar 2023 11:01
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz