![ABŞ Azərbaycanı və digər ölkələri Rusiya ilə kibertəhlükəsizlik sazişi imzalamağa çağırıb](https://turan.az/resized/media/2022/main/052500045819-750-500-resize.webp)
ABŞ Azərbaycanı və digər ölkələri Rusiya ilə kibertəhlükəsizlik sazişi imzalamağa çağırıb
Vaşinqton/26.05.22/Turan: Vaşinqton Rusiyanın bir sıra ölkələr, o cümlədən Azərbaycanla imzalamaq niyyətində olduğu kibertəhlükəsizlik sazişləri ilə bağlı “ehtiyatlı olmağa” çağırıb, TURANın Amerika müxbiri xəbər verir.
“Yumşaq desək, Rusiya kiberməkanda məsuliyyətli oyunçu kimi özünü göstərməyib. Ona görə də biz ölkələri bu cür sazişlərdən çəkindiririk”, - Dövlət Departamentinin sözçüsü Ned Prays çərşənbə günü brifinqdə Moskvanın Azərbaycan, Serbiya və Tacikistanla kibertəhlükəsizlik sazişləri imzalamaq planları ilə bağlı Turanın sualını cavablandırarkən deyib.
Rusiya Federasiyası Təhlükəsizlik Şurası katibinin müavini Oleq Xramov ötən həftə Azərbaycanla, eləcə də digər ölkələrlə kibertəhlükəsizlik sahəsində əməkdaşlıq haqqında saziş imzalamaq niyyətində olduğunu bəyan edib.
ABŞ və Böyük Britaniya bu həftənin əvvəlində Moskvanı onlayn dezinformasiya yaymaqda, kiberhücumlar təşkil etməkdə, “trol fabriki” vasitəsilə dezinformasiya yaymaqda və Ukraynadakı müharibə ilə bağlı ictimai rəyi manipulyasiya etməkdə ittiham edib.
Rusiya hökuməti Ukraynaya qarşı təcavüz haqqında həqiqəti çatdıran jurnalistləri qorxutmaqda və həbs etməkdə davam edir.
“Buna görə də biz bütün dünyada maraqlı tərəfləri Rusiyada interneti açıq saxlamağa çağırdıq ki, Rusiya əhalisi həqiqəti oxuya bilsin. Biz rusiyalı jurnalistlərə, Rusiyadan kənarda işləməyə çalışan media qurumlarına və orada qalanlara dəstək olmaq üçün əlimizdən gələni edəcəyik”, - Ned Prays bildirib.
Qeyd edək ki, Dövlət katibinin köməkçisi Karen Donfrid çərşənbə günü Dövlət Departamentində aparıcı rusiyalı jurnalist, Nobel mükafatı laureatı Dmitri Muratovla görüşüb. -0-
-
- Siyasət
- 26 May 2022 07:17
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz