Bayden ABŞ-ın Azərbaycandakı səfiri postuna təcrübəli namizəd seçir

Vaşinqton/26.05.22/Turan: Ağ Ev çərşənbə günü elan edib ki, prezident Co Bayden Mark U. Libbinin ABŞ-ın Azərbaycandakı növbəti səfiri təyin edilməsi üçün yüksəkrütbəli diplomatik xidmətin karyera əməkdaşını seçib.Bu, bəzi müşahidəçilərin fikrincə, Vaşinqtonun daha çox diqqət yetirdiyi ölkədə "təcrübəli əl" in mövcudluğunu təmin edəcək addımdır.

"Mən onu şəxsən tanımasam da, onun Bakıda ona yaxşı xidmət edəcək böyük təcrübəsi var", - Bill Klintonun Azərbaycandakı səfiri (1994-1997) olmuş Riçard Kozlariç, TURAN-ın Vaşinqton müxbirinə namizədliyin irəli sürülməsini şərh edərkən bildirib.

"Yaxşı ki, o, FSO-nun (Diplomatik xidmət) kadr əməkdaşıdır", - Kozlariç əlavə edib.

"Mənim ona yeganə məsləhətim ABŞ-ı Azərbaycanda təmsil etməkdən zövq almaqdır", - deyə sabiq səfir bildirib.

Namizədliyi təsdiqlənərsə, hazırda Vaşinqtonda Milli Hərbi kollecdə Dövlət Departamentinin müşaviri vəzifəsində çalışan Libbi Bakıya gələcək. Onun təyinatı ölkə üçün diplomatik səylərin qızğın çağına təsadüf edir, belə ki, Azərbaycan hazırda yaxın qonşusu olan Ermənistanla sülh razılaşması üçün kiçik addımlar atmağa çalışır. Bu təyinat eyni zamanda, ABŞ-ın ötən həftəsonu Brüsseldə keçirilmiş dialoqund ardından Ermənistanla Azərbaycana sərhəd işində yardım təklif etməsindən cəmi bir gün sonra irəli sürülüb.

Liebbi diplomatik xidmətdə karyerası ərzində ABŞ-ın Avropa İttifaqı yanındakı Brüssel nümayəndəliyində missiya rəhbərinin müavini və müvəqqəti işlər vəkili vəzifələrində çalışıb.

Digər xarici ezamiyyətlərə Varşava, Nassau, Nikosia və Bağdad şəhərlərinə siyasi məsləhətçi kimi xidmət edən səfərlər daxildir.

Ağ Evin namizədliyinin irəli sürülməsi barədə elanına əsasən, onun Vaşinqtondakı təyinatlarına müşahidəçi, daha sonra isə Dövlət Departamentinin Operativ Mərkəzində böhran idarəçiliyi üzrə direktor müavini, Mərkəzi Avropa İşləri İdarəsində direktor müavini, Cənubi Avropa İşləri üzrə idarənin direktoru və Diplomatik xidmət İnstitutunda istiqamətləndirmə üzrə direktor daxildir..

Daha əvvəl Libbi Dövlət Departamentinin Katibliyində işləyib, daha sonra direktor kimi geri döndü. O, Massaçusets Taftsa Universitetində bakalavr dərəcəsini alıb, həmçinin Parisdə Siyasi Araşdırmalar İnstitutunda ("Sciences-Po") təhsil alıb; o, görkəmli məzunu olduğu milli hərbi kollecdə magistr dərəcəsi almışdır. O, polşa və fransız dillərini mükəmməl bilir.

Aleks Raufoğlu

Vaşinqton