Vaşinqton/12.12.23/Turan: Birləşmiş Ştatlar çərşənbə günü Ermənistan və Azərbaycan arasında hərbi əsirlərin dəyişməsini alqışlayıb və etimadın möhkəmləndirilməsi tədbirlərinin müzakirə olunduğu deyib.
Bu barədə TURANın Vaşinqton müxbirinə Dövlət Departamentinin sözçüsü Metyu Miller brifinq zamanı bildirib. "Dövlət katibinin köməkçisi Ceyms O'Brayen bölgəyə səfər etdi. Hər iki hökumətlə danışıqlarda çağırdığımız və təşviq etdiyimiz şey baş verdi" Miller deyib. “Biz prosesi irəli aparmaq üçün Ermənistan və Azərbaycanla işləməyə davam edəcəyik... Biz inanırıq ki, hər iki tərəf bunu davam etdirmək istəsə, sülh mümkündür”. Bu arada o, xarici işlər nazirlərinin Vaşinqtonda gözlənilən görüşlə bağlı hər hansı təfərrüat verməkdən çəkinib. -0-
Siyasət
-
Azərbaycan prezidenti İlham Əliyev Müqəddəs Milad bayramı münasibətilə Roma Papası Fransiskə təbrik ünvanlayıb.
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
Rəy yaz