![ABŞ Dövlət katibinin köməkçisinin müavini Azərbaycan prezidenti ilə görüşüb](https://turan.az/resized/media/2021/main/110600040495-750-500-resize.webp)
ABŞ Dövlət katibinin köməkçisinin müavini Azərbaycan prezidenti ilə görüşüb
Bakı/06.11.21/Turan: Azərbaycan Prezidenti İlham Əliyev noyabrın 5-də ABŞ Dövlət katibinin köməkçisinin Qafqaz məsələləri, regional münaqişələr və Cənubi Avropa məsələləri üzrə müavini Erika Olsonu qəbul edib.
Azərbaycan Prezidentinin rəsmi internet saytının məlumatına görə, görüşdə Azərbaycanla-ABŞ arasında diplomatik əlaqələrin qurulmasının gələn il 30 illiyinin qeyd ediləcəyi, iki ölkə arasında uzun və uğurlu tərəfdaşlıq münasibətlərinin olduğu bildirilib, enerji sahəsində səmərəli əməkdaşlığın həyata keçirildiyi, Birləşmiş Ştatların Azərbaycanla əlaqələri genişləndirməkdə maraqlı olduğu vurğulanıb.
Söhbət zamanı regional inkişaf və əməkdaşlıq üçün yeni imkanların olduğu qeyd edilib, əməkdaşlığın perspektivləri ətrafında fikir mübadiləsi aparılıb.
Xatırladaq ki, noyabrın 4-də Dövlət Katibinin köməkçisinin müavini Erika Olson ABŞ-ın Ermənistandakı, Gürcüstandakı və Azərbaycandakı səfirləri Linn Treysi, Kelli Deqnan və Li Litsenbergerin, Qafqazda Danışıqlar üzrə müşavir Andryu Şoferin və USAID təşkilatının administratorunun köməkçisinin müavini Aleksandr Sokolovskinin ABŞ-ın Yerevandakı səfirliyinin ev sahibliyi ilə keçirilən Regional Missiyalarının Rəhbərlərinin görüşündə iştirak edib.
ABŞ-ın Azərbaycandakı Səfirliyinin məlumatına görə, görüşdə ABŞ-ın bölgədə çalışan, həm də Vaşınqtondan gələn rəsmi şəxsləri arasında fikir müdadiləsi aparılıb.
Pandemiyadan öncə ABŞ-ın Bakıdakı və Tiflisdəki səfirlikləri müvafiq olaraq 2018-ci və 2019-cu illərdə bu görüşlərə ev sahibliyi edib.
“Biz Ermənistan, Azərbaycan və Gürcüstanla yaratdığımız diplomatik münasibətlərin 30-cu ildönümünə yaxın olan zamanda regionun daha təhlükəsiz, sabit və firavan gələcəyin qurulması naminə tərəfdaşlığımıza sadiq olduğumuzu yenidən vurğulayırıq,” ABŞ Səfirliyi bildirib.-0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz