ABŞ Ermənistan firması da daxil olmaqla, Rusiyanın hərbi təchizatçılarına qarşı sanksiyalar tətbiq edib

Vaşinqton/15.11.22/Turan: Bazar ertəsi Bayden Administrasiyası Rusiya hərbi sənayesinə qarşı yeni sanksiyalar tətbiq edib. Bu yaxınlarda fərdi şəxslərə qarşı tətbiq edilmiş sanksiyalardan fərqli olaraq, hazırki sanksiyalar bir sıra xarici təşkilatlara, o cümlədən Ermənistanda yerləşən firmaya, habelə bir qrup İsveçrə və Tayvan vətəndaşına qarşı yönəlib.

ABŞ-ın Maliyyə Nazirliyi və Dövlət Departamenti tərəfindən 14 nəfər, 28 təşkilat və 8 təyarə Rusiya ordusunu qeyri-qanuni yolla təchiz edən beynalxalq şəbəkə kimi tanınıb. 

Bu, aşağıdakı şəxslər və şirkətlərdir:

- Rusiyalı Murad Əliyev və onunla bağlı 5 müəssisə;

- Milur Elektroniks, Ermənistan;

- Mixail Pavlyuk, "Milandr və Milur Elektroniks"in baş direktoru; 

- Biznesmen Süleyman Kərimov və onun beş yaxın qohumu;

- Fransada yerləşən Kərimovun ailəsinə məxsus 4 daşınmaz əmlak şirkəti, habelə onun İsveçrə və BƏƏ-dəki firmaları; 

- Kərimov üçün böyük məbləğləri yuyan İsveçrə vətəndaşı Aleksandr-Valter Ştudhalter;  

- Mikroelektronika istehsal edən "Midland" şirkəti; 

- Milur Electronics firması (İsveçrə) və onun iki əməkdaşı - Zak Paşe və Holger Leng;

- Sharp Edge Engineering Inc. – Tayvanda saxta firma.

"Bütün dünyada şirkətlərə sanksiyalardan yayınmaq üçün lazımi ehtiyatlılıq nümayiş etdirmək tövsiyə olunur", deyə dövlət katibi Entoni Blinkenin bəyanatında bildirilir.

ABŞ "Rusiyanın öz hərbi maşınını maliyyələşdirmək üçün beynəlxalq sanksiyalardan yayınmaq cəhdlərinin qarşısını almağa davam edəcək", deyə o qeyd edib. 25B