![Richard Kauzlarich](https://turan.az/resized/media/2022/main/022300045071-750-500-resize.webp)
Richard Kauzlarich
ABŞ-ın keçmiş səfiri Moskva bəyannaməsini "suverenliyin təhvil verilməsi haqqında sənəd" adlandırıb
Bakı/23.02.22/Turan: "Mən sazişi oxudum - bu, suverenliyin təhvil verilməsi haqda sənəddir",- ABŞ-ın Azərbaycandakı keçmiş səfiri Riçard Kozlariç ötön gün Moskvada imzalanmış “Rusiya və Azərbaycan arasında müttəfiqlik fəaliyyəti haqqında” bəyannaməni TURAN-ın Vaşinqton müxbirinə belə şərh edib.
“Rusiyanın daim hərbi iştirakı (artıq müvəqqəti sülhməramlı qüvvələr yox) və Azərbaycanın üçüncü ölkə (ABŞ) və təşkilatlarla (NATO) münasibətlərinə veto hüququ olacaq", - Kozlariç ehtimal edir.
Prezident Əliyevin Moskvaya səfəri Putinin Şərqi Ukraynanın separatçı regionlarının müstəqilliyini tanımasından cəmi bir neçə saat sonra baş tutub.
Bu addım Avropa ölkələrinin Azərbaycana mühüm alternativ qaz təchizatçısı kimi baxdıqları vaxtda baş verir, keçmiş səfir əlavə edib.
Hələ ki bəyannamənin imzalanmasına Avropa və ABŞ tərəfindən rəsmi reaksiya verilməyib.
Kozlariç bəyannamənin qəbul olunma tarixi ilə bağlı sualın cavabında deyib ki, "Putinə müttəfiqlər lazımdır və Əliyev onu məyus etmək fikrində deyil".
Keçmiş səfir diqqəti ona yönəldib ki, Əliyev bəyannaməni guya Azərbaycanda "rəngli inqilabların planlaşdırılmasına" görə ölkədə "Soros, Qərb və NED-ə seriya hücumlardan" sonra imzalayıb.
"O (Əliyev) ABŞ-ın onu demokratiya məsələlərilə bağlı Baydenin sammitinə dəvət etməməsinə görə məyus olub", - Kozlariç davam edib.
Bəyannamənin tam mətni Azərbaycan Xarici İşlər Nazirliyinin dərc olunub.
Aleks Raufoğlu,
Vaşinqton, Kolumbiya dairəsi–06В-
-
- Maliyyə
- 23 Fevral 2022 11:33
-
- İqtisadiyyat
- 23 Fevral 2022 11:57
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz