Matthew Miller
ABŞ İranın İsrail və Həmasın müharibəsinə qarışmasına imkan verməyəcək - Dövlət Departamenti
Vaşinqton/31.10.23/Turan: Bazar ertəsi Bayden administrasiyası bildirib ki, İsrail və HƏMAS arasında müharibənin güclənməsini müşahidə edir və regionda geniş münaqişənin qarşısını almaq niyyətindədir.
Vaşinqton rəsmilərinin əsas vəzifəsi İranın və onun etimad etdiyi qrupların münaqişəyə müdaxilə etməməsini təmin etməkdir.
"Ümid edirik ki, onlar gərginliyin aradan qaldırılması yolunu seçəcəklər", deyə Dövlət Departamentinin rəsmi nümayəndəsi Metyu Miller Turan-ın müxbirinin sualına cavabda bildirib.
Vaşinqtonun Tehrana mesajlarının qəbul edilib-edilmədiyi haqqında suala cavabda Miller belə deyib: "Biz çox açıq şəkildə bildirdik ki, regionda ABŞ-ın maraqlarını və Amerika personalını müdafiə edəcəyik. Bunu bilavasitə İran hökumətinə açıq şəkildə bildirdik..."
Ötən həftə ABŞ müharibənin genişlənməsinin qarşısının alınmasının siqnalı olaraq Suriyaya aviazərbələr endirib, İrana bağlı olan hədəfləri vurub. Pentaqon həmçinin "Cerald Ford" aviadaşıyıcısını və onun zərbəçi qrupunu Aralıq Dənizinin şərq hissəsinə göndərib. 0
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz