Moskvada "Şimal-Cənub" nəqliyyat dəhlizi layihəsinin həyata keçirilməsi məsələləri müzakirə olunub

Bakı/31.10.23/Turan: Çərşənbə axşamı Moskvada RF hökumət başçısının müavini Andrey Belousiv və Rusiyada işgüzar səfərdə olan Azərbaycan baş nazirinin müavini Şahin Mustafayev arasında görüş keçirilib.

RF hökumətinin məlumatına görə, görüşdə "Şimal-Cənub" beynəlxalq nəqliyyat dəhlizinin dəmir yolu marşrutunun inkişafı məsələləri müzakirə olunub.

Qeyd edək ki, bu dəhliz (avtomobil və dəmir yolu) Rusiya, Azərbaycan və İranı birləşdirəcək.

Bu dəhlizdə çatışmayan yeganə halqa İran ərazisində Rəşt-Astara dəmir yolu hissəsidir.

2023-cü ilin mayında Rusiya və İran bu hissənin tikintisi haqqında saziş bağlayıblar. 162 km uzunluğu olan bu hissənin tikintisi Ust-Luqadan və Sankt-Peterburqdan Fars körfəzində Bender-Abbas limanına qədər bütün ərazi boyunca dəmir yolu əlaqəsini təmin edəcək. Bu hissənin tikintisinə 2024-cü ilin mart ayında başlanacağı nəzərdə tutulur. 0