Bakı/10.01.20/Turan: İranda qəzaya uğrayan Ukraynaya məxsus “Boinq” təyyarəsi bir İran raketi ilə deyil, iki raket ilə vurulub. Amerikanın CNN və ABC telekanalları Amerika kəşfiyyatındakı mənbələrə istinadən məlumat veriblər.
Yanvarın 8-də baş vermiş qəza nəticəsində təyyarədəki 176 nəfərin hamısı həlak olub.
CNN-dəki mənbəyə görə, hər iki raket “Top” zenit-raket kompleksindən atılıb. O əlavə edib ki, ABŞ İran radarının təyyarəni vurmadan öncə hədəfə aldığını qeydə alıb.
ABŞ kəşfiyyatı əmindir ki, İran radarın köməyilə Ukrayna təyyarəsini izləyib və onu vurmaq üçün iki “yer-hava” raketi atıb.
Bundan öncə Kanada və Böyük Britaniyanın baş nazirləri xüsusi xidmət orqanlarının məlumatına istinadən bildirmişdilər ki, təyyarə Rusiyada hazırlanmış İrana məxsus “Top” ZRK tərəfindən vurulub.-02D-
Siyasət
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
-
Ukrayna Prezidenti Vladimir Zelenski Azərbaycan xalqına başsağlığı verib
-
Ağ Ev cümə günü bildirib ki, prezident Co Bayden Qazaxıstanda AZAL təyyarəsinin qəzaya uğraması ilə bağlı vəziyyətlə və “baş verənlər barədə məlumatlandırılır”, Turan-ın müxbiri Vaşinqtondan xəbər verir.
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
Rəy yaz