![Açiq mənbələrdən foto.](https://turan.az/resized/media/2020/main/081900029854-750-500-resize.webp)
Açiq mənbələrdən foto.
ABŞ “Qadınların Qlobal İnkişafı və Rifahı Naminə” Fondundan Azərbaycana 2 mln. dollar ayırıb
Vaşinqton/19.08.20/Turan: Amerikanın “Qadınların Qlobal İnkişafı və Rifahı naminə” Fondu Azərbaycana 2 milyon dollar ayırıb, bu barədə Azərbaycanın ABŞ-dakı səfirliyinin məlumatında deyilir.
ABŞ-ın Beynəlxalq İnkişaf Agentliyinin (USAID) Administratorunun Müavini Bonni Qlik, ABŞ-ın Dövlət Departamentinin Katibinin Müavini Stiven Biequn və ABŞ Prezidentinin Məsləhətçisi İvanka Tramp birgə bəyanatla çıxış edərək bildiriblər ki, prezident Tramp tərəfindən 2019-cu ilin fevralında təsis edilən və Ağ Ev-in rəhbərliyi ilə həyata keçirilən “Qadınların Qlobal İnkişafı və Rifahı Naminə” Təşəbbüsü (W-GDP) çərçivəsində yeni fəaliyyətlər və tərəfdaşlıqlar üçün 122 milyon ABŞ dolları ayrılıb.
W-GDP fondundan ayrılmış 2 million ABŞ dolları dəyərində vəsait, Azərbaycanda fəaliyyət göstərən USAID təşkilatına qadınlar tərəfindən idarə olunan və qadınlara yönəlmiş biznes və peşakar assosiasiyaların imkanlarının artırılmasına yardım edəcək.
W-GDP fondu sahibkar qadınlara bazarlara, maliyyə mənbələrinə və şəbəkələrə, təlim və digər resursları əldə etməyə imkan yaradır.
“W-GDP fondu qadınların iqtisadi zənginliyinin artmasına xidmət edən proqramların maliyyələndirilməsi və inkişafı üçün yaradılmışdır”, deyə İvanka Tramp bildirib.
Bu il Azərbayan dünyanın 60-dan çox dövlətinə qatılaraq W-GDP təşəbbüsünün irəliləməsinə təkan verib.
2019-cu ilin fevralında Ağ Ev qadınların iqtisadi imkanlarını gücləndirməsinə xidmət edən və Birləşmiş Ştaların hökuməti tərəfindən tam həyata keçirilən ilk layihəsini, Qadınların Qlobal İnkişafı və Rifahı Naminə (W-GDP) Təşəbbüsünü təsis edib. Qadınların iş yerlərində inkişafı, sahibkar qadınların rifahının artması, və qadınların iqtisadiyyatda rolunun güclənməsi kimi üç əsas istiqamətə yönəlmiş W-GDP Təşəbbüsünün məqsədi 2025-ci ildə inkişaf edən dövlətlərdə yaşayan 50 milyon qadını əhatə etməkdən ibarətdir. -06D-
-
- İqtisadiyyat
- 19 Avqust 2020 13:54
-
- Cəmiyyət
- 19 Avqust 2020 14:32
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz