![Açiq mənbələrdən foto.](https://turan.az/resized/media/2020/main/081900029855-750-500-resize.webp)
Açiq mənbələrdən foto.
Tarixçilər “Azərbaycan tarixi”nin tədrisinin ixtisar edilməsindən narazıdırlar
Bakı/19.08.20/Turan: Bir qrup Azərbaycan tarixçisi Təhsil Nazirliyinə müraciət ünvanlayaraq, bu idarənin ali məktəblərdə “Azərbaycan tarixi” dərslərinin ixtisar edilməsinə yönəlmiş siyasətini yenidən nəzərdən keçirməsini tələb edib.
Bəyanat tarixçilərin avqustun 15-də keçirilən onlayn konfransının yekunlarına görə qəbul edilib. Onlar hesab edirlər ki, “Azərbaycan tarixi”nin “Müasir Azərbaycan dövlətçiliyi tarixi” kursu ilə əvəz edilməsi və fənnin dərs saatlarının azaldılması cəmiyyətdə ciddi narahatlıq doğurur.
Bir müddət əvvəl bəzi ziyalılar prezidentə açıq məktub göndərərək, nazirliyin yeni tədris ilini planlaşdırarkən Azərbaycan tarixinin dərs saatlarını azaltması haqqında məlumat vermişdi. Son illər bu fənnin tədrisi təxminən üçdə bir azalıb.
Təhsil Nazirliyinə müraciətin müəllifləri qeyd edirlər ki, “Azərbaycan tarixi” fənninə bu cür münasibət xalqımızın qədim dövlətçiliyinin, Azərbaycan dövlətlərinin yaradılmasında vərəsəliliyin inkarı deməkdir.
Tarixçilər ölkənin ərazi bütövlüyü uğrunda müharibənin davam etdiyini, Azərbaycan gənclərinin vətənpərvərlik səylərinin yüksək səviyyədə dəstəklənməsi zərurətini yada salırlar.
“Azərbaycan tarixi” kursu saxlanmalıdır, dərs saatları artırılmaqla, onun tədrisi müasir metodiki səviyyəyə çatdırılmalıdır. Ölkə tarixinin tam öyrənilməsindən imtina strateji səhvdir, deyə tarixçilər qeyd edirlər.
2020-2021-ci illər üçün tədris planında Azərbaycan tarixinin dərs saatlarının tarix fakultələrində 315 saatdan 210 saata, qeyri-tarix fakultələrində 120 saatdan 60 saata qədər azaldılması nəzərdə tutulur.
Tarixçilərin onlayn konfransı “Tarix, dil və ədəbiyyatın yeni tədris metodologiyasına münasibət” adlanırdı.
Bakı Dövlət Universitetinin tarixçisi, tarix elmləri doktoru Elmira Muradəliyeva Turan-la söhbətində deyib ki, tarix müəllimlərinə gələn tədris ili üçün nəzərdə tutulmuş dəyişikliklər haqqında ətraflı məlumat verilməyib. Tarixçilər “Azərbaycan tarixi” dərslərinin azaldılmasından narazıdırlar.
O hesab edir ki, yeni kursun adından göründüyü qədər, o, “Azərbaycan tarixi”ndən fərqlənir. ““Azərbaycan tarixi” kursu qədim dövrdən (ibtidai icma quruluşu) başlayırdı və bu günə qədər olan hadisələri təsvir edirdi. İndi, görünür, saatları azaldıblar, deməli, yalnız 1918-ci ildən başlayaraq Azərbaycan dövlətçiliyi tarixi üzrə xüsusi kurs kimi olacaq. Beləliklə, tariximiz 100 illə məhdudlaşır. İndiyə qədər erməni işğalçılar bizim 100 illik tariximiz olduğunu deyirdilər, indi onların bu sözləri üçün “əsas” olacaq”, deyə E.Muradəliyeva qeyd edib.
Təhsil Nazirliyinin mətbuat xidmətinin rəhbəri Cəsarət Valehov Turan-a bildirib ki, tarixçilər əbəs yerə narahat olurlar, müraciət müəlliflərinin iddia etdiyi kimi bir problem mövcud deyil. Təhsil Nazirliyində yaranmış fikir ayrılığının müzakirəsi üçün tarixçilərlə görüşlər keçirilir. -0-
-
- İqtisadiyyat
- 19 Avqust 2020 15:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz