Açiq mənbələrdən foto.
Vaşinqton/18.05.23/Turan: Çərşənbə günü Dövlət Departamenti bildirib ki, Rusiya və İran arasında dəmir yolu ilə bağlı sonuncu sövdələşməni "izləyəcək və ona xüsusi diqqət yetirəcək".
Sanksiyalardan yayınmağa yönəlmiş istənilən cəhdlər ciddi narahatlıq doğuracaq və "ABŞ tərəddüdsüz növbəti addımları atacaq", deyə mətbuat katibinin müavini Vedant Patel bildirib, xəbəri Turan-ın Vaşinqtondakı müxbiri verib.
Çərşənbə günü Moskva və Tehran Rəşt-Astara dəmir yolu hissəsinin - Süveyş kanalına rəqib olacağı və sanksiyaların qarşısını alacağı hesab olunan dəhlizin tikintisi haqqında saziş imzalayıblar.
"Mənim bu layihə ilə bağlı fikrim yoxdur, amma belə ciddi sanksiya rejimi tətbiq etməyimizin səbəbi var və onlardan yayınmağa yönəlmiş istənilən cəhdlər bizdə böyük narahatlıq doğurur", deyə o qeyd edib.
Xatırladaq ki, bu yol Azərbaycandan keçir və sanksiyalar Bakıya da şamil edilə bilər. --0--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz