Vaşinqton/15.08.23/Turan: ABŞ Rusiya hərbçilərinin Qara dənizdə mülki gəmilərə hücum etməsindən narahatlığını bildirib, Turan-ın Vaşinqton müxbiri məlumat verib.
"Rusiya açıq şəkildə bəyan edib ki, Qara dəniz akvatoriyasındakı Ukrayna limanlarına gedən bütün gəmilər hərbi yüklərin potensial daşıyıcıları kimi qəbul ediləcək. Bu, yolverilməz eskalasiyadır və taxılın lazım olduğu yerlərə çatmamasına görə Moskvanın məsuliyyətini bir daha nümayiş etdirir", - Dövlət Departamentinin rəsmi nümayəndəsinin müavini Vedant Patel gündəlik brifinq zamanı Turan-ın müxbirinə deyib.
Patelin şərhləri Rusiya Qara dənizdəki yük gəmisinə xəbərdarlıq atəşi açdığına görə Ukraynanın Moskvanı qınamasından sonra səslənib. Rusiya bildirib ki, "qadağan olunmuş mallar" daşımadığından əmin olmaq üçün "Sükrü Okan" gəmisini dayandırıb.
Patelin sözlərinə görə, Rusiya Qara dəniz taxıl təşəbbüsündə iştirakını dayandırdıqdan sonra Ukrayna bildirib ki, Rusiya 26 liman infrastrukturu obyektinə hücum edib və 220 000 tondan çox taxılı məhv edib. 0
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz