Media icmalı – 14.08.2023

Ölkədə Ciddə sammiti, azərbaycanla Ermənistan arasında olan danışıqlar, Azərbaycanda olan iş saatları bu gün ( 14.08.23) üçün əsas müzakirə olunan mövzulardan olub.

525-ci qəzet saytında yayımlanan “Rasim Musabəyov: "Ciddə sammiti Azərbaycan üçün də önəmlidir" sərlövhəli yazıda Ciddə sammitinin önəmi haqqında danışılıb. Müəllif qeyd edib ki,  Səudiyyə Ərəbistanının Ciddə şəhərində Rusiya-Ukrayna müharibəsinin sülh yolu ilə nizamlanmasına dair beynəlxalq sammitdə  42 dövlətin yüksək rütbəli diplomatları iştirak edib. Rusiyanın iştirak etmədiyi sammitin yekununda hər hansı bir sənəd qəbul olunmasa da, bütün iştirakçılar dövlətlərin ərazi bütövlüyü prinsipinə sadiq qaldıqlarını bəyan ediblər. Milli Məclisin deputatı, politoloq Rasim Musabəyov hesab edir ki, Rusiya-Ukrayna müharibəsi ilə bağlı Ciddə sammiti Azərbaycan üçün də önəmlidir. Onun sözlərinə görə, sammit iştirakçıları enerji qiymətlərində sıçrayışa səbəb olacaq Rusiya neft və qazının ixracına sanksiyaların sərtləşdirilməsini də nəzərdən keçiriblər.

BBC Azərbaycan saytında yayımlanan “Azərbaycanla Ermənistan arasında Qarabağla bağlı danışıqlar nəyə əsaslanıb?” sərlövhəli yazıda  Azərbaycanla Ermənistan arasında olan danışıqlar analiz olunub. Müəllif qeyd edir ki, 2020-ci il müharibəsindən sonra münaqişə tərəfləri dəfələrlə danışıqlar masası arxasına əyləşdilər və bəzən elə görünürdü ki, sülh müqaviləsinin imzalanması yaxınlaşır. Görüşlər Washington-un, Brüsselin, Moskvanın himayəsi altında keçirilib, lakin ekspertlərin fikrincə, onların irəliləyişi ermənilərin təhlükəsizliyi məsələsindən asılıdır.

Anews.az saytında yayımlanan “Azərbaycanda iş saatları dəyişdirilsin – DEPUTAT” sərlövhəli yazıda hazırda olan iş saatlarının effektivliyi haqqıda danışılıb. Milli Məclisin deputatı Vüqar Bayramov Trend-ə açıqlama verib.  O qeyd edib ki, bir sıra inkişaf etmiş ölkələrin praktikası göstərir ki, işə başlama və işin başa çatma saatlarının, xüsusən də sektor üzrə fərqləndirilməsi tıxacların azaldılmasında istifadə edilən mühüm və səmərəli alətlərdən biridir. Müəllif digər inkişaf etmiş ölkələrdə hazırki iş saatlarını və gəlirlərini qeyd edib.

“Avropa Parlamenti həftədə 48 saat maksimum iş normasını təyin edib. Bəzi ölkələr buraya öz istisnalarını əlavə edib. Məsələn, Finlandiya belə hesab edir ki, onun vətəndaşları 40 saatdan çox yox, məhz 32 saat işləməlidir. Adətən isə avropalılar həftədə 35 saat işləyir”.

Sosial media

MeydanTV

Polisdən qaçan kuryer: "İnsanların gözünü qorxutmaq üçün bizi həbs edirlər"-Bu haqda Orxan Zeynalovla müsahibə alınıb.  Kuriyer Orxn Zeynalov 12 avqustda başına gələn hadisələrdən danışılıb. Orxan Zeynalov həbs olunma təhlükəsini vurğulayıb. İşçi masası həmkarlarının bir neçə üzvünün müxtəlif səbəblərdən həbs olunması da müəllif tərəfindən vurğulanıb.

Akif İslamzadə Azərbaycan musiqi mədəniyyətinin inkişafında xidmətlərinə görə “Şöhrət” ordeni ilə təltif olunub. Prezident İlham Əliyev bununla bağlı Sərəncam imzalayıb.

AXCP) kuryerlərə və İşçi Masası fəallarına qarşı repressiyalaraetiraz etdi.-  Müəllif bu haqda yayılan bəyanat haqqında yazıb. Avqustun 1-dən bəri İşçi Masası Həmkarlar İttifaqları Konfederasiyasının üzvlərinə qarşı repressiyaya başlanılıb. Səbəb onların mopedlərlə müştərilərə qida sifarişləri daşıyan kuryerlərin pozulan hüquqlarını müdafə etməsidir.

AXCP həbs edilən İşçi Masası üzvlərinə qarşı rəsmi ittihamları qurama hesab edir və həmin şəxslərin bilavasitə ictimai fəaliyyətlərinə görə hədəfə alındıqlarını bildirir:

“Sərt avtoritar mahiyyəti və repressiya vərdişləri ilə tanınan İlham Əliyev hakimiyyəti ölkədə onun nəzarətindən kənar hər cür təşkilatlanmaya və etirazlara böyük təhlükə kimi baxır. İşçi Masası Həmkarlar İttifaqları Konfederasiyası da məhz işçilərin, konkret halda kuryerlərin hüquqlarını müdafiə edən müstəqil ictimai təşkilat olaraq hakimiyyətin qəzəbinə və hədəfinə tuş gəlib”.