![Kristina Queen](https://turan.az/resized/media/2023/main/070400063980-750-500-resize.webp)
Kristina Queen
ABŞ səfiri: “Qarabağdakı erməni sakinlərin təhlükəsizliyinin Azərbaycanın tərkibində təmin edilməsi mümkündür”
Bakı/04.07.23/Turan: Vaşinqton inanır ki, Qarabağın erməni sakinlərinin hüquq və təhlükəsizliyi Azərbaycanın tərkibində təmin oluna bilər, ABŞ-ın Yerevandakı səfiri Kristina Kvin Ermənistanın İctimai Televiziyasına müsahibəsində bildirib.
Onun sözlərinə görə, ABŞ çoxdan bəyan edir ki, "Dağlıq Qarabağ sakinlərinin hüquq və təhlükəsizliyi qorunmalı, danışıqlar aparılmalıdır, onun nəticələri region sakinlərinin hüquq və təhlükəsizliyini müdafiə edəcək". "Şəxsən mən hesab edirəm ki, Dağlıq Qarabağdakı adamlar özlərini öz evlərində, öz mühitində təhlükəsiz hiss etməli, dinc ailə həyatı qurmaq imkanlarına malik olmalı və öz icmalarında iştirak etməlidirlər. Buna görə də ABŞ inanır ki, nizamlanma üzrə danışıqlar çərçivəsində sözügedən prinsiplər təmin edilməlidir", - Armenia Today ABŞ səfirindən sitat gətirib. Onun sözlərinə görə, tərəflər Dağlıq Qarabağ sakinlərinin hüquqlarının və təhlükəsizliyinin qorunmasını təmin etmək üçün birlikdə hərəkət etməlidirlər və onlar "müvafiq zəmanətlərin vacibliyini bəyan ediblər".
"Qalır buna yol tapmaq", - "Sputnik - Armeniya" Kvinin sözlərindən sitat gətirib.
“Bakı və Xankəndi arasında dialoqun təşkili mümkündürmü?” sualının cavabında diplomat bildirib ki, istənilən müzakirə və danışıqlar sülh yolu ilə nizamlanmaya nail olmaq üçün doğru yoldur.
Bakı və Yerevan arasındakı danışıqlarda Rusiyanın roluna toxunan amerikalı diplomat "Ukraynadakı təcavüzkar hərəkətlərinə görə" Kremli "etibarsız tərəfdaş" adlandırıb.
Beləliklə, ABŞ səfirinin sözlərindən belə çıxır ki, Vaşinqton hesab edir ki, Qarabağ ermənilərinin hüquqları məsələsi Azərbaycanın tərkibində həll olunmalıdır və onlar yerli icmalar səviyyəsində idarəçiliyə cəlb oluna bilər. 0
-
- Maliyyə
- 4 İyul 2023 11:33
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz