Bakı/17.04.21/Turan: Amerika Birləşmiş Ştatlarının Azərbaycandakı Səfirliyi Amerikanın Səsinin "Prezident Ilham Əliyevin 13 aprel tarixində ABŞ-ın bölgədəki mövqeyini tənqid etməsinə cavabı nədir?" sualına belə cavab verib:
"Amerika, Azərbaycanla uzun müddət davam edən eyni dərəcədə vacib 3 sahəyə əsaslanan tərəfdaşlığını yüksək dəyərləndirir: bunlar - demokratiya və insan hüquqları, enerji və iqtisadi əlaqələr və təhlükəsizlik sahəsində sıx əməkdaşlıqdır.
Amerika Birləşmiş Ştatları 1992-ci ildən bu günə qədər Azərbaycana 1.5 milyard ABŞ dollarından çox yardım etmiş, o cümlədən Covid-19-un təsirlərinə qarşı uzunmüddətli və təxirəsalınmaz tədbirlərin həyata keçirilməsi məqsədilə dəstək üçün 6.6 milyon ABŞ dolları həcmində maddi yardımı göstərib.
Birləşmiş Ştatlar, Dağlıq Qarabağ münaqişəsinin siyasi yolla davamlı həllinə nail olunması və barışığın təşviqi üçün ATƏT-in Minsk Qrupunun həmsədri olaraq tərəflərlə işləməyə davam edəcəkdir.
Birləşmiş Ştatlar Azərbaycanla tərəfdaşlığını mühüm bölgədə vacib əlaqələr hesab etməkdə davam edir. Hər iki ölkəyə qarşılıqlı fayda gətirən məsələlərdə daha çox iştirak etmək imkanlarını müəyyənləşdirməyə davam edəcəyik," ABŞ Səfirlyi cavabında bildirir.
Qeyd edək ki, İlham Əliyev aprelin 13-də Bakıda ADA Universitetində keçirilən "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında deyib: "ABŞ yox idi və biz problemi (Dağlıq Qarabağ problemi nəzərdə tutulur - red.) həll etdik. Biz bu vaxta qədər hələ də yeni administrasiyadan mesaj almamışıq. Heç bir mesaj, sıfır".
Prezident Əliyev ABŞ Dövlət Katibi Antoni Blinkenin bir müddət əvvəl Ermənistanın Baş Naziri Nikol Paşinyana zəng etdiyini xatırladıb.
"Cənab Blinken Paşinyana zəng etdi. Onların nə barədə danışdığını bilmirəm, amma balans yenidən pozulur. Mən demirəm ki, biz cənab Blinkendən zəng gözləyirik. Xeyr. Ancaq o həmsədrdir. Onlar ən azından balansa uyğun şəkildə davranmalıdırlar. Beləliklə, biz heç bir mesaj almamışıq. ABŞ-ın yeni hökumətinin bizim regionla bağlı mövqeyinin nədən ibarət olduğunu bilmirik. Mən Prezident Baydendən Novruz bayramı münasibətilə xoş bir məktub aldım, bunun üçün minnətdaram. Ancaq bu, yalnız təbrik mesajı idi," o, deyib.-03-
Siyasət
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
Bazar günü ölkə başçısı İlham Əliyev ABŞ Konqresinin üzvü Avqust Pflugerin başçılıq etdiyi nümayəndə heyətini qəbul edib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
Rəy yaz