ABŞ Səfirliyi sağlamlıq məhdudiyyətləri olan uşaqlar üzrə ekspert mühazirələri təşkil edir

Bak/28.02.19/Turan: Martın 1və 5-də Corctaun Universitetinin Professoru və inkişafında məhdudiyyətləri və xüsusi tibb yardımına ehtiyacı olan uşaqlara yardım sahəsində çalışan tanınmış ekspert doctor Tobi Lonq inkluziv təhsil və davranma məsələlərinə dair muhazirələrlə çixiş edəcək.

Mühazirələr martın 1-də Azərbaycan Dillər Universitetində yerləşən Amerika Mərkəzində və martın 5-də isə Landmark Rotunda Holda keçiriləcək.

Mühazirələr təhsil sahəsində çalışan mütəxəssislər, psixoloqlar, aspirantlar, pediatorlar və məhdudiyyətləri olan uşaqlarla işləyən şəxslər üçün açıqdır.

Daha ətraflı məlumatı ABŞ Səfirliyinin Feysbuk səhifəsindən əldə etmək olar.(https://www.facebook.com/114366571914596/posts/2696904456994115/)

Tobi Lonq Corctaun Universitetinin pediatriya fakultəsinin professorudur. O, həmçinin sözügedən universitetin İnkişaf Məhdudiyyətləri Məsələləri üzrə direktorudu. -0-