![Açiq mənbələrdən foto.](https://turan.az/resized/media/2022/main/120800055111-750-500-resize.webp)
Açiq mənbələrdən foto.
ABŞ Senatının komitəsi Rusiyanın Ukraynadakı hərəkətlərini soyqırım kimi tanıyıb
Vaşinqton/08.12.22/Turan: Çərşənbə günü ABŞ Senatının Beynəlxalq Əlaqələr Komitəsi Ukraynada soyqırım haqda qətnaməni təsdiqləyib və bununla Senatda qətnamənin səsverməyə çıxarılmasına yol açıb, Turan-ın Vaşinqtondakı müxbiri bildirib.
“Putinin qanunsuz və əsassız müharibəsi zamanı Ukrayna xalqına qarşı törədilən cinayətlər saysız-hesabsız beynəlxalq konvensiyalara ziddir və yalnız soyqırım kimi xarakterizə edilə bilər”, - ABŞ Helsinki Komissiyasının sədri, senator Ben Cardin bildirib.
“Putin öz hərəkətləri və sözlərilə məqsədinin Ukrayna xalqını silmək olduğunu açıq şəkildə göstərib. Mən onun İrpində və Kiyev vilayətində qəddarlığını öz gözlərimlə gördüm”, - Senatın Beynəlxalq Əlaqələr Komitəsinin üzvü, senator Cim Riş bildirib.
“Bu qətnamə Ukrayna xalqına qarşı soyqırımı pisləyir, ABŞ hökumətini gələcək soyqırım aktlarının qarşısını almaq üçün müttəfiqlərimizlə işləməyə çağırır və bu dəhşətli cinayətlərə görə məsuliyyətə cəlb etmək üçün araşdırmaları dəstəkləyir. Biz Ukrayna xalqını yaşamaq uğrunda mübarizəsində dəstəkləmək üçün mümkün olan hər şeyi etməyə davam etməliyik”, - o deyib.
Qətnamədə qeyd edilir ki, Senat
*Ukrayna xalqına qarşı soyqırım aktları törətdiyinə görə Rusiyanı pisləyir;
*ABŞ, NATO və Avropa İttifaqı üzrə müttəfiqlərilə birlikdə Ukrayna xalqına qarşı növbəti soyqırım aktlarının qarşısının alınması üçün Ukrayna hökumətini dəstəkləməyə çağırır;
*Təcavüzkar müharibə, hərbi cinayətlər, insanlıq əleyhinə cinayətlər və soyqırım cinayətlərinə görə Rusiya siyasi liderlərinin və hərbi qulluqçuların məsuliyyətə cəlb edilməsi üçün tribunalları və beynəlxalq cinayət araşdırmalarını dəstəkləyir;
*Prezident Co Baydeni Rusiya Federasiyasının Ukraynada törətdiyi soyqırıma görə məsuliyyət daşıyan və ya onda əli olanlara qarşı qlobal sanksiyalar tətbiq etməyə çağırır.
Hazırda Rusiyanın Ukraynada törətdiyi sistemli hərbi cinayətlər aşağıdakı ölkələrin parlamentləri tərəfindən soyqırım kimi tanınıb: Ukrayna, Çexiya, Kanada, Estoniya, Latviya və digərləri. 25B
Siyasət
-
İranda iyulun 5-də keçirilən prezident seçkilərinin ikinci turunda Milli Məclisin deputatı, etnik azərbaycanlı Məsud Pezeşkian qalib gəlib. O, 16.384.403 bal toplayıb
-
Milli Məclisin spikeri Sahibə Qafarova MDB Parlamentlərarası Assambleyasının sədri, Rusiya Federasiyası Şurasının rəhbəri Valentina Matvienkoya assambleyanın müşahidəçiləri üçün Azərbaycanda sentyabrın 1-də keçiriləcək növbədənkənar parlament seçkilərinə dəvət məktubu göndərib.
-
İyulun 5-də Bakı Apellyasiya Məhkəməsi iyunun 14-dən İstintaq Təcridxanasında aclıq edən iqtisadçı Fazil Qasımovun ev dustaqlığına keçirilməsindən imtina ilə bağlı şikayətini təmin etməyib.
-
Ermənistan Parlamentinin spikeri Alen Simonyan Yerevanda Amerika senatorları ilə görüşdükdən sonra bildirib ki, Azərbaycanla sülh müqaviləsinin imzalanmasında heç bir gecikmə yoxdur. “Bu məsələdə top Azərbaycan tərəfdədir”, deyə Simonyan brifinqdə bildirib.
Rəy yaz