![ABŞ təkidlə hökumətləri növbəti koronavirus pandemiyasına “hazırlaşmağa” çağırır](https://turan.az/resized/media/2020/main/032700025178-750-500-resize.webp)
ABŞ təkidlə hökumətləri növbəti koronavirus pandemiyasına “hazırlaşmağa” çağırır
Vaşinqton/27.03.20/Turan: Koronavirusun (COVID-19) yayılma və təsiri barədə qlobal xəbərdarlıq "yüksək”dən "çox yüksək" səviyyəyə yüksəldiyi üçün ABŞ Xəstəliklərə Nəzarət və Profilaktika Mərkəzinin (CDC) əsas əməkdaşı cümə axşamı bütün ölkələri növbəti epidemiyaya hazır olmağa çağırıb.
“Hökumətlər pandemiyanın yayılmasına nəzarət etmək üçün lazım ola biləcək tədbirlər barədə düşünməlidirlər və ona reaksiya vermək üçün hazırlaşmağı gözləmək lazım deyil. Onlar indi hazırlaşmalıdırlar”. Turan-ın Amerika müxbirinin məlumatına görə, bunu CDC COVID-19 beynəlxalq hədəf qrupunun Dr. Sara Bennet telefonla keçirdiyi brifinqdə deyib.
CDC əlavə edib ki, “bu hazırlıqda hökumətlərə yardım göstərilməsi işinə əvvəlkitək sadiqdir”.
Azərbaycan hələ koronavirusdan əziyyət çəkməyib, amma qorxu artır. Ölkədə 100-dən çox təsdiqlənmiş hal qeydə alınıb və bu say kəskin şəkildə artır.
Vaşinqtonda jurnalistlər qarşısında çıxış edən Bennet qeyd edib ki, istənilən infeksion xəstəliyin yayılmasına reaksiya verərkən mədəni və sosial fərqlər nəzərə alınmalıdır.
Koronavirus xəstəliyinin yayılmasının qarşısını almaq üçün təkcə səyahət məhdudiyyətləri yetərli deyil. Onun sözlərinə görə, hökumətlər bunun əvəzinə koronavirusun ölkə daxilində ziyan vurduğu zaman nə etməli olduqlarına diqqəti cəmləməlidirlər.
Hazırda öz ölkələrinə virusun keçməsinin qarşısını almaq üçün, eləcə də keçdikdən sonra cəmiyyətdə yayılmasına nəzarət etmək üçün ölkələrə Dünya Səhiyyə Təşkilatı və CDC tərəfindən tövsiyə olunan tədbirlər var.
“Və mən düşünürəm ki, jurnalistlər COVİD-19-un yayılmasının azalmasına kömək edəcək bəzi şeylər haqda adamlara məlumat verilməsində həqiqətən mühüm rol oynayırlar. Adamlara tez-tez əlləri yumağın, arada məsafə saxlamağın, öskürək və asqırma zamanı ağzı dirsək və ya çiyinlə örtmənin, sıx toxunulan yerləri silməyin vacibliyini xatırlatmaq lazımdır”, - o əlavə edib.—0—
-
- Cəmiyyət
- 27 Mart 2020 19:17
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz