ABŞ Ukraynaya yeni RƏM sistemi göndərir

Bakı/11.11.22/Turan: Bayden Administrasiyası Ukraynaya daha 400 milyon dollarlıq paket, o cümlədən çox sayda döyüş sursatı və yeni RƏM sistemi göndərir, bu barədə Turan-ın Vaşinqtondakı müxbiri məlumat verib.

Pentaqon nümayəndələrinin sözlərinə görə, Kiyev ilk dəfə olaraq Avenger yüksək mobil RƏM sistemləri əldə edəcək.

Paketə həmçinin ABŞ-ın Rusiyaya qarşı müdafiə əməliyyatları üçün ölkəyə təqdim etdiyi HIMARS üçün döyüş sursatları, habelə Hawk zenit-raket kompleksi üçün minaatanlar və raketlər daxil olacaq.

Bu qərar Rusiya hərbiçilərinin qoşunlarını ölkənin cənubunda Hersondan çıxardıqlarını elan etməsindən sonra verilib, baxmayaraq ki, bu addım Ukrayna qüvvələrinə kütləvi itkilər yaşatmaq üçün mümkün tələ kimi qiymətləndirilir.  

Paket həmçinin Kremlin Ukraynanın böyük şəhərlərini və infrastruktur obyektlərini keçən ay başlayan amansız raket atəşinə məruz qoymasından sonra açıqlanıb.

"Putin Ukraynadan getmədən bu münaqişənin həll ediləcəyini düşünmürəm", deyə prezident Bayden cümə axşamı noyabr sammitlərində iştirak etmək üçün Misir, Kamboca və İndoneziyaya yollanmaq üçün Ağ Evi tərk edərkən jurnalistlərə bildirib.

İndoneziyada G20 sammitində nə Bayden, nə dövlət katibi Entoni Blinken Rusiya nümayəndə heyəti ilə qarşılıqlı əlaqə qurmağı planlaşdırmır, deyə ABŞ rəsmiləri Turan-ın müxbirinə bildiriblər.

Putinin G20-də iştirak etməmək qərarından sonra İndoneziyada Rusiya nümayəndə heyətinə xarici işlər naziri Lavrov başçılıq edəcək.

Aleks Raufoğlu

Vaşinqton. -0-